डेंटिस्ट से ब्यूटी क्वीन बनली डॉक्टर शांभवी झा, मिस यूनिवर्स इंडिया 2025 में करिहें बिहार के प्रतिनिधित्व

मिस यूनिवर्स बिहार 2025 : बिहार के बेटी आ मधुबनी निवासी डॉ. शंभवी झा मिस यूनिवर्स बिहार 2025 के खिताब जीत के राज्य में पुरस्कार ले आइल बाड़ी.पेशा से दंत चिकित्सक शांभवी अब मिस यूनिवर्स इंडिया 2025 प्रतियोगिता में बिहार के प्रतिनिधित्व करीहें. राजधानी पटना में स्थित निफ्ट परिसर में आयोजित एs प्रतिष्ठित सुंदरता प्रतियोगिता के ऑडिशन में शाम्भवी अपना प्रतिभा, आत्मविश्वास अवुरी सुंदरता से सभके दिल जीत लेली।

दिव्यांशी साची फर्स्ट रनर-अप

आडिशन में दिव्यांशी साची के पहिला उपविजेता आ रूपाली भूषण के दुसरका उपविजेता घोषित कइल गइल. एह मौका पs निर्णायक मंडल में मिस यूनिवर्स इंडिया के ऑनर निखिल आनंद, मिस यूनिवर्स इंडिया 2024 रिया सिंघा, मिस यूनिवर्स बिहार 2024 काजल चौधरी, डायरेक्टर अमजद खान आ प्रदेश निदेशक नीतू कुमारी मौजूद रहली. सभे प्रतिभागी लोग के प्रतिभा के तारीफ कईले अवुरी खास तौर पs बिहार के बेटी के आत्मविश्वास से पेश करे के सराहना कईले।

मिस यूनिवर्स इंडिया में शांभवी झा के सीधा प्रवेश मिलल

निखिल आनंद कहले कि बिहार से विजेता के सीधा मिस यूनिवर्स इंडिया में शामिल होखे के मौका मिली जवन कि युवती खातीर एगो बड़ मंच हs। एही बीच मिस यूनिवर्स इंडिया 2024 रिया सिंहा कहली कि बिहार से आइल प्रतिभागियन में गजब के प्रतिभा देखे के मिलल बा. प्रदेश निदेशक नीतू कुमारी याद दिअवली कि इs उहे प्रतियोगिता हs जवना में सुष्मिता सेन अवुरी लारा दत्ता जईसन दिग्गज कलाकार भाग लेले रहली अवुरी मिस यूनिवर्स के खिताब जीतले रहली। अब बिहार के बेटी भी एही राह पs आगे बढ़ रहल बाड़ी।

कार्यक्रम के शुरुआत इस्कॉन मंदिर में पूजा से भइल

एह भव्य आयोजन से पहिले रिया सिंघा आ काजल चौधरी पटना के इस्कॉन मंदिर में जाके पूजा करके कार्यक्रम के शुरुआत कइली। भगवान श्रीकृष्ण के आरती कइलन आ सभका खातिर सफलता, सुख आ शांति के प्रार्थना कइलन. एह मौका पs इस्कॉन पटना के मीडिया हेड नंद गोपाल दास उनुका के राधा-कृष्ण के मूर्ति भेंट कs के सम्मानित कईले।

ध्यान देवे वाला बात बा कि पछिला साल पहिला बेर एह प्रतियोगिता के ऑडिशन पटना में भईल रहे अवुरी अबकी बेर भी इs ट्रेंड जारी रहल। ई मंच बिहार के प्रतिभाशाली लड़िकियन के राष्ट्रीय ना बलुक अंतरराष्ट्रीय स्तर पs भी मान्यता पावे के मौका दे रहल बा। डॉ. शांभवी झा के ई सफलता दोसरो नवहिन के अपना सपना के साकार करे खातिर प्रेरित करी.

इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन