स्पोर्ट्स डेस्क : न्यूजीलैंड पाकिस्तान के खिलाफ 5 मैचन के टी-20 सीरीज में 2-0 के बढ़त हासिल कs लेले बा। टीम दूसरका मुकाबला में पाकिस्तान के 5 विकेट से हरवलस। डुनेडिन में मंगर के खेलल गइल मुकाबला में मेजबान न्यूजीलैंड टॉस जीतके गेंदबाजी चुनलस।
कीवी पाकिस्तान के टीम के 15 ओवर में 9 विकेट पs 135 रन पs रोक दिहल। फेर 13.1 ओवर में 5 विकेट के नुकसान पs जीत खातिर जरूरी रन बना लेले बिया। बरखा के कारण एह मुकाबला के 15-15 ओवर के कs दिहल गइल रहे। न्यूजीलैंड के टिम साईफर्ट प्लेयर ऑफ द मैच चुनल गइल।
स्थानीय समय के अनुसार मुकाबला दुपहरिया 2:15 बजे सुरू होखे के रहे, बाकिर टॉस से पहिले बरखा आ गइल। अइसन में मुकाबला 3:30 बजे के बाद सुरू हो सकल।
न्यूजीलैंड के ओपनर्स के तेज सुरुआत
135 रन के टारगेट चेज करे उतरल न्यूजीलैंड के ओपनर्स तेजी से रन बनावल लो। टिम साईफर्ट आ फिन एलेन के जोड़ी 28 बॉल पs 66 रन के ओपनिंग साझेदारी कइलस।
इहां से अगिला 31 रन बनावे में टीम 4 विकेट गंवा दिहल। साईफर्ट 45 आ एलेन 38 रन बनवलें। मार्क चैपमैन एक ओर डेरिल मिचेल 14 रन के जोगदान दिहल।
आखिर में मिचेल हेय नाबाद 21 रन बनाके टीम के जीत तक पहुंचा दिहल। हारिस रऊफ के 2 विकेट मिलल।
पाकिस्तान नियमित अंतराल पs विकेट गंववलस
टॉस हारके बैटिंग करे उतरल पाकिस्तान के सुरुआत खराब रहल। टीम पहिलके ओवर में ओपनर हसन नवाज के विकेट गंवा दिहल। ऊ जैकब डफी मार्क चैपमैन के हाथन कैच करवलें। टीम 52 रन बनावे में 4 विकेट गंवा देले रहे।
कप्तान आगा सलमान (46 रन) के अलावा, कवनो आउर बल्लेबाज बड़ पारी ना खेल सकल लो। शादाब खान 26 आ शाहीन अफरीदी नाबाद 22 रन बनवलें। न्यूजीलैंड से जैकब डफी, बेन सायरस, जिमी नीशाम आ ईश सोढ़ी 2-2 विकेट लेलें।
Read Also: सीवान जेल में टीबी के प्रकोप: 789 कैदियन के जांच में 22 पॉजिटिव , 338 के रिपोर्ट असामान्य
