खबर भोजपुरी एगो सेगमेंट ले के आइल बा जवना में हर सोमार के दिने रउरा सभे अपना देश के कोना-कोना में बसल मंदिरन के जानकारी दी.
करवल देवी माता के प्रसिद्ध मंदिर करवल उर्फ मझगावां में मुख्यालय से लगभग 44 किलोमीटर दूर गोरखपुर वाराणसी फोर लेन पs स्थित बा। मानल जाला कि माई के दरबार में सच्चा दिल से बनल इच्छा पूरा हो जाला। एही से दूर-दूर से भक्त लोग माई के दरबार में आके प्रार्थना करेला। इहाँ भक्त लोग पान चढ़ावेला। माता के प्रसाद हलवा-पुरी हs जवन नवमी के दिन इहाँ भक्त लोग चढ़ावेला। बतावल जाता कि पहिले थारु जाति के लोग इहाँ रहत रहे।
कहल जाला कि पहिले थारु जाति के लोग इहाँ रहत रहे, जे बाद में आपन निवास स्थान बदल के चल गईले, जवना के चलते इs जगह घना जंगल में बदल गईल। एही समय गोपालपुर राज्य राजपरिवार के दू गो भाई मदन चंद आ कपूर चंद एहिजा अइले. जवना जगहा कपूर चंद बसल रहले ओहिजा करवल के नाव से जानल जाए लागल आ मदन चंद के आवास के मझगांवा के नाव से जानल जाए लागल. वर्तमान में दुनो जगह मिल के करवल मझगांवा के नाव से जानल जाला।
इतिहास
स्थानीय लोग के मुताबिक थारु जाति के एगो लईकी इहाँ के जंगल में भटक गईल अवुरी जंगली जानवर मार देले। थारु जाति के लोग लईकी के खोजे लगले, खोजत घरी जंगल में पहुंचले, जहां ओह लईकी के शव मिलल, एकरा बाद उहाँ पिंडी बना के उनुका के आपन कुलदेवता मान के पूजा करे लगले, जवन बाद में करवल देवी के नाव से मशहूर भईल।
इहो पढ़ीं: सबेरे-सबेरे: बइठले – बइठले करीं ई एक्सरसाइज Memory Sharp करे खातीर
कहल जाला कि एगो भक्त कोढ़ से पीड़ित रहे। उs माता के दरबार में हमेसा आवत रहे करवल देवी माता के कृपा से उनुकर कोढ़ ठीक हो गईल, जवना के चलते लोग के माता पs विश्वास अवुरी भरोसा बढ़ गईल। जवन भक्त सच्चा मन से माई के पूजा करेला ओकर मनोकामना माई करवल देवी निश्चित रूप से पूरा करेली.
कवनो भक्त निराश होके माई के दरबार से ना निकलेला। नवरात्रि के समय माई अपना भक्तन पर मेहरबानी करेली।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
कइसे पहुंची करवल देवी माता मंदिर
करवल देवी माता के प्रसिद्ध मंदिर करवल उर्फ मझगावां में मुख्यालय से लगभग 44 किलोमीटर दूर गोरखपुर वाराणसी फोर लेन पs स्थित बा।
बस से
कुशीनगर (50 किमी), वाराणसी (235 किमी), लखनऊ (276 किमी), आ इलाहाबाद (339 किमी) जइसन शहरन खातिर नियमित रूप से चले वाली कई गो बस बाड़ी सऽ। रउरा के गंतव्य ले जाए खातिर सार्वजनिक आ निजी दुनु तरह के बस उपलब्ध बा.
रेल द्वारा
गोरखपुर रेलवे स्टेशन पूर्वोत्तर रेलवे के मुख्य रेलवे स्टेशन आ मुख्यालय हवे। ई रेलहेड देश भर के प्रमुख शहरन से बढ़िया से जुड़ल बा जवना में दिल्ली, हैदराबाद, चेन्नई, नागपुर, वाराणसी, लखनऊ आ अउरी कई गो शहरन से जुड़ल बा.
हवाई जहाज से
नजदीकी हवाई अड्डा गोरखपुर सिविल हवाई अड्डा बा जवन शहर के केंद्र से लगभग 8 किलोमीटर दूर बा। गोरखपुर हवाई अड्डा से दिल्ली, वाराणसी, लखनऊ अवुरी कोलकाता जईसन शहर खातीर सीधा उड़ान बा।
