संभल में कनेक्शन काटे गइल बिजली विभाग के टीम के दबंग कुल दौड़ा-दौडा के पिटले

यूपी के संभल में बकाया ना चुकावे के चलते कनेक्शन काटे गईल बिजली विभाग के टीम पs बदमाश हमला कईले। दबंग बिजली विभाग के टीम के पीछा करत पीटत रहले। मामला बहजोई कोतवाली इलाका के गांव कनेटा से जुड़ल बा। कर्मचारी के पिटाई के वीडियो सोशल मीडिया पs वायरल होखता। 

बिजली विभाग कइलस पुलिस में शिकायत

बिजली विभाग के अधिकारी एs मामला के शिकायत पुलिस से कईले बाड़े। जानकारी के मुताबिक बिजली के बिल ना चुकावे के चलते बिजली विभाग केबल काटे गईल रहे। एह दौरान स्थानीय लोग विरोध कईले। जब टीम बिजली के कनेक्शन काटे लागल तs लोग कर्मचारी के पिटाई कईले।

 इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन

डीएम बिजली चोर के चेतावनी देले रहले

छापामारी के बाद डीएम डॉ. राजेंद्र पेंसिया कहले रहले कि बिजली चोरी के खिलाफ अयीसन अभियान शुरू कईल जाई अवुरी एको घर में भी बिजली चोरी के अनुमति ना दिहल जाई। डीएम बतवले रहले कि करीब 150-200 घर में बिजली चोरी के पता चलल बा। मस्जिद, मदरसा अवुरी घर में बिजली चोरी के पता चलल बा। बिजली चोरी करेवाला के खिलाफ प्राथमिकी दर्ज करावल जाई अवुरी ओ लोग से वसूली भी होई। 

इहो पढ़ीं: सबेरे-सबेरे: डिनर कइले के बाद जरूर करीं इs काम,धीरे-धीरे कम हो जाई राउर वजन