यूपी के लखीमपुर-खीरी में एगो चौंकावे वाला मामला सोझा आईल बा। इहाँ एगो परिवार रेलवे पटरी पs खड़ा होके रील बनावत रहे। एही बीच ट्रेन से टकरा के पूरा परिवार के मउत हो गईल। मरेवाला में पति-पत्नी अवुरी 2 साल के बेटा शामिल बाड़े।
लखीमपुर में ट्रेन से टकरा के पति-पत्नी के संगे एगो बच्चा के मौत हो गईल। इs लोग रेलवे पटरी पs खड़ा होके रील बनावत रहले। एही बीच इs हादसा तब भईल जब लखनऊ से आवत ट्रेन उनुका के टक्कर मार देलस। मामला खेरी थाना क्षेत्र के ओयल रेलवे स्टेशन के नजदीक बा।
जइसहीं स्थानीय लोग के एह घटना के जानकारी मिलल, मौका पs भारी भीड़ जमा हो गईल। ई हादसा बुध के सबेरे ओयल स्टेशन के लगे बड़का नहर पs लखनऊ से पीलीभीत जाए वाली सवारी ट्रेन से भईल।
असल में सीतापुर के लहरपुर के मोहल्ला शेख सराय में रहे वाला एगो जोड़ी रील बनावत रहे। पति-पत्नी बच्चा के गोदी में लेके रेल पुल के लगे रील बनावत रहले। रात के करीब 9:30 बजे ओयल चौकी इलाका में ट्रेन से टकरा के मोहम्मद अहमद (30), पत्नी नाजमीन (24) अवुरी उनुकर 2 साल के बेटा आरकम के मौत हो गईल।जब दुर्घटना सोझा आईल तs पोस्ट पुलिस अवुरी आरपीएफ मौका पs पहुंच गईले। तुरंत शव के पटरी से निकाल दिहल गईल। एकरा बाद ट्रेन आगे बढ़ल।
