सबेरे-सबेरे: हाइट बढ़वले में असरदार बा इs 3 गो योगासन, तेजी से बढ़े लागी रुकल लंबाई

अगर कवनो आदमी के हाइट बढ़िया बा तs सभे ओकर व्यक्तित्व के तारीफ करेला। साथही जब केहू के हाइट कम रहेला तs ओकरा के कई गो मजाकिया नाम से बोलावला लोग. अगर आपके बच्चा के लंबाई बढ़ल बंद हो गईल बा, तs आपके कुछ योग कइल शुरू करे के चाही। योग के अपना रोजमर्रा के दिनचर्या में शामिल कईला से स्वास्थ्य के बहुत फायदा मिलेला। अइसना में रउरा लंबाई बढ़ावे खातिर 3 बेहतरीन योग आसन जानीं-

ताड़ासन
लंबाई बढ़ावे खातिर योग कईल सबसे निमन बा। इs आपके रीढ़ के हड्डी के पूरा तरीका से बढ़ा के सीधा कs देवेला। एकरा अलावे इs लंबाई बढ़ावे खातीर जिम्मेदार हार्मोन के भी बूस्ट करेला।

गोड़ के कुछ इंच के दूरी पs खड़ा हो जाईं। हाथ के सामने ले आईं, अँगुरी के आपस में फंसाइ आ कलाई के बाहर घुमाईं।साँस लेत आपन बाँहि माथा के ऊपर ले आईं।अब पैर के उंगली के संतुलन बनावत एड़ी के जमीन से ऊपर उठाईं. 10-15 सेकंड ले एह स्थिति में रही.

पश्चिमोत्तानासन
ई योग आसन रीढ़ के हड्डी आ हैमस्ट्रिंग के खिंचाव करेला। संगही इs रीढ़ के हड्डी से तनाव दूर करेला, जवना से आपके लंबाई बढ़ सकता।

चटाई पs बइठ के गोड़ सामने बढ़ा के बइठीं. पीठ सीधा राखीं आ पैर के उंगली अपना ओर करीं। अपना माथा के ऊपर हाथ बढ़ाईं। साँस छोड़ीं आ अपना कूल्हि पs आगे झुकीं जइसे कि रउरा पैर के उंगली से ठोड़ी के छूवे के कोशिश करत होखीं.अब आपन हाथ अपना गोड़ पs राखीं जहाँ तक ऊ आराम से पहुँच सके.अब आपन माथा नीचे मोड़ के अपना के आगे खींची. 8-10 सेकंड ले एही स्थिति में रहीं.

वृक्षासन
लंबाई बढ़ावे खातिर इs सबसे बढ़िया योग मुद्रा में से एगो हs काहे कि इs आपके पिट्यूटरी ग्रंथि के उत्तेजित करेला जवन कि ग्रोथ हार्मोन के स्राव खातीर जिम्मेदार होखेला।

शुरुआत में गोड़ एक संगे खड़ा होके करीं। सामने के कवनो फोकल प्वाइंट के देखी,जवना से रउरा संतुलन बनावे में मदद मिल सके. अब आपन दाहिना गोड़ जमीन से ऊपर उठा के दाहिना घुटना के दुनो हाथ से पकड़ लीं। बायां गोड़ के जमीन पs मजबूती से दबाईं आ संतुलन बना के राखीं. दाहिना हाथ से दाहिना टखना के पकड़ के गोड़ के तलवा के बायां भीतरी जांघ पs यथासंभव ऊँच ले आईं। दाहिना गोड़ के बायां जांघ में मजबूती से दबा के दूसरा ओर दबाईं। प्रार्थना मुद्रा में हाथ माथा से ऊपर उठाईं। कुछ सेकंड ले एही स्थिति में रहीं आ ओकरा बाद शुरुआती स्थिति में वापस आ जाईं।

इहो पढ़ीं: सबेरे-सबेरे: सरदी-खांसी से बानी परेशान, तs एs चार योगासन से मिली आराम