बिहार के सहरसा के सदर अस्पताल भले ही राज्य के पहिला मॉडल अस्पताल बन गईल बा, बाकिर लापरवाही के चलते इs अबो सुर्खियन में बनल बा। अस्पताल प्रशासन अवुरी कर्मचारी के लापरवाही के चलते प्रसव पीड़िता के प्रसव कक्ष के बहरी खुला में बच्चा के जन्म देवे के पड़ल। ई एगो अइसन घटना हs जवन इंसानियत के शर्मसार कs देले बा। प्रसव खातीर सदर अस्पताल आईल एगो गर्भवती महिला दर्द से कराहत रहली अवुरी प्रसव वार्ड के सोझा खुला आसमान के नीचे अस्पताल परिसर में एगो बच्चा के जन्म देली। एही बीच ड्यूटी पs मौजूद नर्स प्रसव वार्ड के भीतर मौजूद रहली, जवना के वीडियो विभिन्न सोशल मीडिया प्लेटफॉर्म पs वायरल होखता। प्रसव पीड़िता दर्द से कराहत रहली अवुरी उहाँ मौजूद नर्स उनुका के टहले के कह के आपन कर्तव्य निभावत रहली एs बीच प्रसव वार्ड के सोझा अस्पताल परिसर में एगो नवजात शिशु के जन्म देली। एह दौरान अस्पताल के एको कर्मचारी उहाँ मौजूद ना रहे।
एकरा संगे जब लोग ड्यूटी पs मौजूद नर्स से पूछताछ कईले तs नर्स अपना प्रतिष्ठा बचावे खातीर परिवार के लोग पs नाराज हो गईली कि प्रसव के मरीज के वार्ड में घूमे के कहल गईल रहे, बाकिर उs बाहर निकल गईली अवुरी एs दौरान उनुकर प्रसव हो गईल.
घटना के बाद अस्पताल में लोग के भीड़ जमा हो गईल। परिवार के लोग नर्स पs लापरवाही के आरोप लगावत कहलस कि नर्स चाय के चुस्की लेत रहली। अयीसना में सदर अस्पताल के व्यवस्था के अनुमान लगावल जा सकता। मालूम होई कि सदर अस्पताल के प्रसव वार्ड के कर्मचारी पs अक्सर लापरवाही अवुरी पईसा मांगे के आरोप लागल बा। कड़ा कार्रवाई ना होखला के चलते एs लोग के मनोबल बढ़ता।
Comments are closed.