भारतीय रेलवे से जुड़ल एगो बड़हन खबर सामने आइल बा. रेलवे बोर्ड अपना सगरी जोन के निर्देश जारी कs के कहलस कि रेल सुरक्षा खातिर खतरा पैदा भइला पs केस दर्ज करावल जाई. मतलब कि अगर कवनो आदमी कवनो ट्रेन में भा ट्रेन के पटरी पs रील बनावे तs ओकरा खिलाफ मुकदमा दर्ज करावल जाई.
पूरा बात का बा?
असल में लोग सोशल मीडिया पs वायरल होखे खातिर ट्रेन आ रेलवे पटरी पs रील बनावेला. कई जगहा इहो देखल गइल बा कि रील बनावत घरी चलत ट्रेन से लोग घायल हो गइल बा. खासकर नवहियन में एगो सनक बा कि ऊ लोग रेलवे पटरी पs जा के एक्शन रील बनावेला भा कुछ प्रयोग करेला, जइसे कि ट्रेन के पटरी पs पत्थर भा कवनो आइटम डालल.अइसन रील बनावे वाला लोग अपना के साथे-साथे रेलवे यात्रियन के जान भी खतरा में डाल देला।
हाल ही में एगो वायरल वीडियो सामने आइल
हाल ही में एगो वीडियो वायरल भईल, जवना में एगो लईका चलत ट्रेन के संगे स्टंट करत वीडियो बनावत रहे। सोशल मीडिया पs वायरल होखे वाला ई वीडियो एगो ट्रेन के भीतर से रिकार्ड कइल गइल बा, जवना में देखल जा सकेला कि ट्रेन प्लेटफार्म पs चले लागेला, एह दौरान एगो आदमी ट्रेन के साथे दौड़ेला आ कुछ समय बाद हैंडल पकड़ के गिर जाला… प्लेटफार्म पs गाड़ी रोकला के बाद फिसल जाला आ ट्रेन के साथे आगे बढ़े लागेला। एs तरह से उs चलत ट्रेन के संगे खतरनाक स्टंट करेले, जवना के वीडियो सोशल मीडिया प वायरल होखता। आखिरकार ऊ ट्रेन में चढ़ जाला। ई वीडियो कब आ कहाँ के बा एकर जानकारी ना मिलल बाकिर ई निश्चित रूप से वायरल हो रहल बा.
Comments are closed.