गोरखपुर हवाई अड्डा पs शनिचर के दिने सीएफटी (क्रैश फायर टेंडर) में खराबी के चलते छह गो उड़ान रद्द कs दिहल गइल. हैदराबाद, मुंबई अवुरी दिल्ली से आवे वाली इंडिगो के उड़ान गोरखपुर ना पहुंच पवलस, जवना के चलते गोरखपुर से भी इs तीनों उड़ान ना चलावल गईल। एकरा से हजार से अधिका यात्री परेशान रहले। एकरा लेके उs लोग भी हंगामा मचवले। सांझ के एटीसी कोलकाता जाए वाली इंडिगो के एटीआर फ्लाइट के लैंडिंग के अनुमति दे दिहलस। एहसे यात्री लोग के कुछ राहत मिलल।
हवाई अड्डा प्रशासन के मुताबिक, शनिचर के दिन के करीब 12 बजे अचानक क्रैश फायर टेंडर, जवन कि टेकऑफ अवुरी लैंडिंग खातीर सबसे जरूरी मानल जाला, खराब हो गईल। बहुत प्रयास के बाद भी जब एकरा के सुधारल ना जा सकल तs 6 फ्लाइट रद्द करे के पड़ल। हैदराबाद, मुंबई आ दिल्ली के आवे वाली आ जाए वाली फ्लाइट एके साथे रद्द होखे के जानकारी मिलते वेटिंग हॉल में बइठल यात्रियन में हलचल मच गइल. यात्री एने-ओने पूछताछ करे लगले।
यात्रियन के बढ़त नाराजगी देख इंडिगो के कर्मचारी यात्रियन के बहुत कुछ समझवले लेकिन उs लोग सहमत ना भईले अवुरी हंगामा मचावे लगले। हैदराबाद जाए खातिर एयरपोर्ट पहुंचल यात्री योगेश कुमार बतवले कि हड़बड़ी के चलते उs ट्रेन के जगह फ्लाइट में टिकट बुक कs लेले। इहाँ पहुंचते हमनी के पता चलल कि फ्लाइट रद्द हो गईल बा। ट्रेन भी चल गईल अउरी फ्लाइट भी उपलब्ध ना रहे। मुंबई जाए खातीर परिवार के संगे पहुंचल केके सिंह बतवले कि उनुकर सेवा मुंबई में बा। स्कूल खुल गइल बा. सबके मुंबई जाए के रहे लेकिन आखिरी समय में फ्लाइट कैंसिल हो गईल।
यात्रियन के हंगामा से हालात बिगड़त देख एयरपोर्ट अथॉरिटी के अधिकारी भी पहुंचले। बहुत समझवला के बाद यात्री के नाराजगी खतम हो गईल अवुरी उs लोग एयरपोर्ट से बहरी निकल गईले। हवाई अड्डा प्रशासन के कहनाम बा कि अचानक तकनीकी खराबी के चलते उड़ान रद्द करे के पड़ल। हालांकि ओहिजा के यात्रियन के राहत तब मिलल जब कोलकाता खातिर इंडिगो के फ्लाइट साँझ चार बजे उतरे के अनुमति मिल गइल.
Comments are closed.