रेलवे कोहरा के चलते सहारनपुर से हो के गुजरे वाली 16 ट्रेन रद्द क देहलें बा। ई ट्रेन एक दिसंबर से 28 फरवरी 2023 ले नाइ चली। एकरे चलते करीब पांच हजार से अधिक यात्रियन टिकट निरस्त करावे के पड़ी। अब एह यात्रियन के दूसरको ट्रेन में विकल्प नइखे मिलत।
रेलवे दिसंबर, जनवरी अउर फरवरी में कोहरा के संभावना के चलते ट्रेन के रद्द कर देहलस। एह बेर सहारनपुर से हो के जाए वाली जनसेवा, शहीद अउर जलियांवाला बाग सहित 16 ट्रेनन के तीन महीना खातिर रद्द कs दिहल गइल बा। एह ट्रेन के निरस्त होखले से यात्री परेशान बानें।
रेलवे अधिकारियन के कहनाम बा कि कोहरा के आशंका के चलते कुछ ट्रेनन के निरस्त कइले बा, जेसे बाकी ट्रेनन के संचालित प्रभावित न होखे। उहवें, यात्रियन के कहनाम बा कि जब ट्रेन के निरस्त करे के होला त चार महीना पहिलही से रिजर्वेशन काहें नाइ बंद कs देनीं। लोग कहीं जाए के पूरा तैयारी क के टिकट करावेने। अचानक ट्रेन निरस्त होखले से उनके परेशानी झेले के पड़sला।
3973500cookie-checkकोहरा के चलते 16 ट्रेन भइल रद्द, पांच हजार यात्रियन के निरस्त करावे के पड़ी टिकट
Comments are closed.