यूपी बोर्ड ऑफ सेकेंडरी एजुकेशन यानी यूपी बोर्ड के 10वां रिजल्ट निकलल बा। 88.18% छात्र पास हो चुकल बाड़े। अबकी भी लईकी जीत गईल बाड़ी। लइका 85.25% पास कइले। जबकि लईकी 91.69% पास हो गईल बाड़ी। कानपुर नगर के प्रिंस पटेल यूपी में टॉप पर रहे। मुरादाबाद के संस्कृति दूसरा स्थान पर बा, जबकि कन्नौज के अनिकेत शर्मा तीसरा स्थान पर बा।
रिजल्ट के घोषणा प्रयागराज में बोर्ड डायरेक्टर डा. सरिता तिवारी आ सचिव दिव्याकांत शुक्ला कइलन. अब साँझ चार बजे दू घंटा का बाद इंटरमीडिएट रिजल्ट घोषित कर दिहल जाई.
2021-22 के शिक्षा सत्र में दसवीं आ बारहवीं कक्षा में कुल 47 लाख छात्र उपस्थित भइले। पिछला साल कोरोना का चलते परीक्षा रद्द कर दिहल गइल रहे. विद्यार्थियन के प्रोमोट कइल गइल. बताईं कि 4 साल बाद प्रयागराज से रिजल्ट के घोषणा हो रहल बा। यूपी में भाजपा सरकार के सत्ता में अइला के बाद लखनऊ में शिक्षा मंत्री के मौजूदगी में 2017 से रिजल्ट घोषित हो रहल बा।
रिजल्ट एह 2 गो वेबसाइट पर देखल जा सकेला, माध्यमिक शिक्षा बोर्ड यानी यूपी बोर्ड के हाई स्कूल आ इंटरमीडिएट परीक्षा खातिर हाजिर होखे वाला विद्यार्थी आधिकारिक वेबसाइट upmsp.edu.in आ upresults.nic.in पर आपन रिजल्ट देख सकेलें. छात्र आ उनकर अभिभावक ऑनलाइन खोज में लागल बाड़े ताकि रिजल्ट खाली दुपहरिया 1 बजे देखल जा सके। लेकिन, नेट के समस्या के चलते छात्र परेशान रहे।
51 लाख छात्र रजिस्ट्रेशन करा चुकल रहले
यूपी बोर्ड के सचिव दिव्याकांत शुक्ला बतवले कि अबकी बेर यूपी बोर्ड के परीक्षा में करीब 47 लाख छात्र हाजिर भईल बाड़े। एहमें से 27 लाख 81 हजार 654 परीक्षार्थी हाई स्कूल के आ 24 लाख 11 हजार 35 परीक्षार्थी इंटरमीडिएट के बाड़े. दसवीं आ बारहवीं के परीक्षा खातिर करीब 51 लाख 92 हजार 689 परीक्षार्थी अपना नामांकन करवले रहले.
अंग्रेजी पेपर लीक होखला के बाद 24 जिला के पेपर रद्द क दिहल गईल
30 मार्च के बोर्ड परीक्षा के दौरान बलिया में 12वीं के परीक्षा में अंग्रेजी पेपर लीक हो गईल रहे। एकरा चलते 24 जिला के परीक्षा रद्द क दिहल गईल। बाद में एह जिलन में अलगा से परीक्षा करावल गइल. ए मामला में पुलिस अवुरी एसटीएफ बलिया के जिला स्कूल इंस्पेक्टर यानी डीआईओएस समेत सभ लोग के खिलाफ कार्रवाई कईलस। बाद में बलिया के डीआईओएस के जेल जाए के पड़ल. हालांकि राज्य सरकार बोर्ड परीक्षा के विस्तार से इंतजाम कईले रहे। सगरी परीक्षा केन्द्रन पर सीसीटीवी लगावल गइल. एकरा अलावे सुरक्षा के विस्तार से इंतजाम कईल गईल।
पछिला साल कोरोना के चलते इ परीक्षा ना भईल रहे
पिछला साल 2021 में कोरोना महामारी का चलते यूपी बोर्ड दसवीं आ बारहवीं के परीक्षा रद्द कर दिहले रहुवे. कक्षा 9 के वार्षिक परीक्षा आ कक्षा 10 के आंतरिक परीक्षा में मिलल अंक के आधार पर दसवाँ रिजल्ट तइयार कइल गइल. जहवाँ इंटरमीडिएट में विद्यार्थियन के 10वीं, 11वीं आ 12वीं के विद्यार्थियन के इंटरनल नंबर के आधार बनावल गइल. दसवाँ में 99.52 फीसदी आ बारहवाँ में 97.88 फीसदी विद्यार्थी पास भइले.
43 दिन पहिले रिजल्ट घोषित हो रहल बा
माध्यमिक शिक्षा बोर्ड 31 जुलाई के यूपी बोर्ड हाई स्कूल आ इंटरमीडिएट के रिजल्ट 2021 में घोषित कइले रहे। अबकी बोर्ड 18 जून के रिजल्ट घोषित करे के एलान कइले बा. एह तरह से अगर देखल जाव त अबकी बेर रिजल्ट पिछला साल से 43 दिन पहिले घोषित कइल जा रहल बा.
47 लाख छात्र-छात्राओं के रहल ह रिजल्ट के इंतजार
| क्लास | छात्र | छात्राएं | कुल संख्या |
| 10वीं | 15 लाख 53 हजार 198 | 12 लाख 28 हजार 456 | 27 लाख 81 हजार 654 |
| 12वीं | 13 लाख 24 हजार 20 | 10 लाख 86 हजार 835 | 24 लाख 11 हजार 35 |
पिछले 5 साल के 10वीं का रिजल्ट
| साल | कुल पास % | छात्रों का % | छात्राओं का % |
| 2021 | 99.53 | 99.52 | 99.55 |
| 2020 | 83.00 | 79.88 | 87.29 |
| 2019 | 80.06 | 83.98 | 76.66 |
| 2018 | 75.16 | 72.03 | 78.08 |
| 2017 | 81.18 | 76.75 | 86.05 |
पिछले 5 साल के 12वीं के रिजल्ट
| साल | कुल पास % | छात्रों का % | छात्राओं का % |
| 2021 | 97.88 | 97.47 | 98.04 |
| 2020 | 74.00 | 68.88 | 81.96 |
| 2019 | 70.06 | 64.04 | 76.46 |
| 2018 | 72.43 | 67.36 | 78.44 |
| 2017 | 82.05 | 77.16 | 88.08 |