दुनिया के दूसरका सबसे बड़ हीरा अफ्रीका के देश बोत्सवाना में मिलल बा। इs हीरा 2,492 कैरेट के बा। कनाडा के खनन कंपनी के अधिकारी एह खोज के बाद बहुत खुश बाड़े। बोत्सवाना सरकार के मानल बा कि 2,492 कैरेट के ई विशाल रत्न देश में मिलल सबले बड़हन प्राकृतिक हीरा हs आ अबले के खनन भइल दुसरका सबले बड़का हीरा हs.
एक्स-रे तकनीक के मदद से हीरा के खोज भईल
कनाडा के खनन कंपनी लुकारा डायमंड कॉर्प बुध के दिने एगो बयान जारी कs के कहलस कि ऊ पश्चिमी बोत्सवाना में अपना कारोवे खदान से एगो ‘असाधारण’ हीरा बरामद कइले बिया. लुकारा कहले कि इs ‘उच्च क्वालिटी’ हीरा हs अवुरी एकर खोज एक्स-रे तकनीक के मदद से भईल बा। वजन के हिसाब से ई 100 साल से ढेर समय में मिलल सभसे बड़हन हीरा हवे आ अबतक ले खनन कइल गइल दुसरका सभसे बड़ हीरा हवे, कलिनन हीरा के बाद, जेकर खोज 1905 में दक्खिन अफिरका में भइल। कलिनन डायमंड के वजन 3,106 कैरेट रहे आ एकरा के कई गो टुकड़ा में काटल गइल रहे, जवना में से कुछ ब्रिटिश रॉयल ज्वेलरी के हिस्सा हवें।
बोत्सवाना हीरा के दूसका सबसे बड़ उत्पादक देश बा
ब्राजील में 1800 के दशक के अंत में एगो बड़हन करिया हीरा के खोज भइल रहे, बाकी ई सतह पs मिलल आ मानल जाला कि ई उल्कापिंड के हिस्सा हवे। बोत्सवाना हीरा के दुसरा सभसे बड़ उत्पादक देस हवे आ हाल के सालन में दुनिया के सभसे बड़ हीरा सभ के खोज इहाँ भइल बा।
ई हीरा केतना के होई?
बता दीं कि 2019 में भी लगभग 1758 कैरेट के हीरा मिलल रहे जवना के फ्रांस के फैशन कंपनी लुई विटॉन खरीदले रहे। हालांकि एकरा दाम के बारे में आज तक कवनो पुष्टि खबर नईखे। 2017 में 1111 कैरेट के हीरा 444 करोड़ रुपिया में बिकाइल रहे, तs जदी हमनी के ओ नजरिया से देखल जाए तs इs हीरा ओ हीरा से दुगुना से जादे बा। एहसे उम्मीद बा कि एs हीरा के कीमत 1000 करोड़ रुपिया से जादे हो सकता। हालाँकि, ई खाली अनुमान हवें आ हीरा के वास्तविक मूल्य बहुत ढेर हो सकेला।
Comments are closed.