विश्व चिंतन दिवस 2025 : विश्व चिंतन दिवस हर साल 22 फरवरी के पूरा दुनिया में मनावल जाला। एह दिन के महत्व गर्ल गाइड्स आ गर्ल स्काउट से जुड़ल बा। गर्ल गाइड्स आ गर्ल स्काउट विशेष मुद्दा खातिर काम करेला आ समाज खातिर प्रेरणा बन जाला. एह दिन के मनावे के मकसद बा कि लड़िकियन के गर्ल गाइड्स आ गर्ल स्काउट बने खातिर प्रेरित कइल जाव, समाज कल्याण के ओर सोचे खातिर प्रोत्साहित कइल जाव आ सिस्टरहुड के महत्व के उजागर कइल जाव. जानीं कि एह दिन के जश्न कब से शुरू भइल .
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
विश्व चिंतन दिवस के इतिहास
गर्ल एसोसिएशन ऑफ गर्ल गाइड्स एंड गर्ल स्काउट्स (WAGGGS) 1926 से एह दिन के मनावत बा। गर्ल गाइड्स आ गर्ल स्काउट खातिर एह दिन के स्थापना के बिचार न्यूयॉर्क में आयोजित चउथा बिस्व सम्मेलन में परिकल्पित भइल। बॉडेन पॉवेल गर्ल गाइड्स आ गर्ल स्काउट आंदोलन के जनक रहलें। उनकर जन्मदिन के अउरी गर्ल गाइड्स आ गर्ल स्काउट खातिर विश्व चिंतन के दिन के रूप में चुनल गइल।
छह साल बाद 1932 में पोलैंड के बुक्ज़े में 7वां विश्व सम्मेलन होखत रहे जब बेल्जियम के एगो प्रतिनिधि इशारा कइले कि आमतौर पs जन्मदिन में उपहार शामिल होला आ एहसे लइकी लोग थिंकिंग डे पs गर्ल गाइड्स आ गर्ल स्काउट के अंतर्राष्ट्रीय आंदोलन खातिर पइसा बटोर के भा उपहार दान कs के आपन सराहना देखा सकेली.
