अमेरिकी राष्ट्रपति डोनाल्ड ट्रंप व्यापारी एलन मस्क के माफी स्वीकार कs लिहले बाड़न. व्हाइट हाउस के प्रेस सचिव कैरोलिन लेविट बुध के दिने कहली कि ट्रंप टेस्ला के सीईओ एलन मस्क के माफी स्वीकार कs लिहले बाड़न. एकरा से पहिले न्यूयार्क पोस्ट से बातचीत में ट्रंप कहले कि इs बहुत बढ़िया बा कि उs अयीसन कईले। मस्क माफी माँगे से पहिले ट्रंप से फोन पs बातचीत कइले रहले. एकरा बाद उs सोशल मीडिया पs अपना पोस्ट खातीर माफी मंगले।
व्हाइट हाउस के प्रेस सचिव लेविट मीडिया ब्रिफिंग में कहले कि सरकार अमेरिकी जनता के कारोबार पs ध्यान देवे शुरू कs देले बिया। उs कहले कि, राष्ट्रपति आज सबेरे एलन के ओर से दिहल बयान के स्वीकार कs लेले बाड़े अवुरी उs एकर सराहना करतारे अवुरी हमनी के अमेरिकी जनता के कारोबार पs ध्यान देत रहब। जब पूछल गइल कि का प्रशासन मस्क के सरकारी अनुबंध के समीक्षा शुरू कs दिहले बा जवना पs राष्ट्रपति कहले बाड़न कि ऊ विचार करत बाड़न तs लेविट कहले कि अबहीं ले अइसन कुछ शुरू नइखे भइल. उs कहले कि, जहां तक हमरा मालूम बा, अबे ले एs दिशा में कवनो प्रयास नईखे भईल।
मस्क का लिखले बाड़न?
बुध के मस्क एक्स पs एगो पोस्ट में कहले कि, “हमरा पछिला सप्ताह राष्ट्रपति डोनाल्ड ट्रंप के बारे में भईल कुछ पोस्ट पs अफसोस बा। उs बहुत आगे बढ़ गईल।” सीएनएन के मुताबिक, मस्क सोमार के रात ट्रंप के फोन कईले, अवुरी बुध के सबेरे कहले कि उनुका पछिला सप्ताह सार्वजनिक तौर पs राष्ट्रपति के बारे में उनुका कुछ सोशल मीडिया पोस्ट पs दुख बा। उपराष्ट्रपति जेडी वेंस आ व्हाइट हाउस के चीफ ऑफ स्टाफ सुजी विल्स बियफे के दिने मस्क से फोन पs बात कइलन. एकरा बाद मस्क आ ट्रंप के बीच फोन पs संक्षिप्त बातचीत भइल आ मस्क सार्वजनिक रूप से ट्रंप से माफी मंगले। एह बातचीत में तीनों लोग मस्क आ ट्रंप के बीच विवाद पs चर्चा कइले।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
