UCIL jobs 2024: यूरेनियम कॉर्पोरेशन में अलग-अलग पदन पs होई भरती; अभी इहां से करीं आवेदन, जानीं रिक्ति

UCIL Recruitment 2024: यूरेनियम कॉरपोरेशन ऑफ इंडिया लिमिटेड (UCIL) माइनिंग मेट-सी आ ब्लास्टर-बी समेत अलग-अलग पदन पs भरती निकलले बा। एह पदन खातिर आवेदन प्रक्रिया जारी बा। इच्छुक आ योग्य उम्मीदवार आधिकारिक वेबसाइट (ucil.gov.in) पs जाके आवेदन कs सकत बा। एह पदन खातिर उम्मीदवार 30 नवंबर, 2024 तक आवेदन कs सकत बा लो।

एह भरती अभियान के लक्ष्य कुल 82 पदन के भरल बा, जेमे माइनिंग खातिर 64, ब्लास्टर-बी खातिर 8 आ वाइंडिंग ड्राइवर खातिर 10 पद सामिल बा। एह पदन पs उम्मीदवारन के चयन लिखित परीक्षा/ट्रेड टेस्ट/व्यक्तिगत साक्षात्कार के आधार पs होई।

शैक्षणिक योग्यता

• माइनिंग मेट-सी पद खातिर उम्मीदवारन के लगे कवनो मान्यता प्राप्त बोर्ड से 12वीं लगे माइनिंग मेट सर्टिफिकेट होखे के चाहीं।
• ब्लास्टर बी खातिर आवेदकन के लगे डीजीएमएस के ओर से जारी अप्रतिबंधित ब्लास्टर योग्यता प्रमाणपत्र होखे के चाहीं आ संगही उनकर 10वीं पास होखल आवश्यक बा।
• वाइंडिंग इंजन ड्राइवर-बी खातिर उम्मीदवारन के लगे डीजीएमएस के ओर से जारी प्रथम श्रेणी वाइंडिंग इंजन ड्राइवर योग्यता प्रमाण पत्र होखे के चाहीं आ संगही उनका 10वीं पास होखल जरूरी बा।

उमिर सीमा

एह पदन खातिर आवेदन करे वाला उम्मीदवारन के अधिकतम उमिर 32 से 35 बरिस के बीच होखे के चाहीं, जबकि आरक्षित वर्ग के उम्मीदवारन के ऊपरी उमिर में छूट दिहल गइल बा।

चयनित उम्मीदवारन के मिली ई सुविधा

एह पदन खातिर चयनित उम्मीदवारन के लागू मूल वेतन, मंहगाई भत्ता, सामान्य भत्ता आदि के अलावा, कंपनी के मवजूदा नीतियन/नियमन आ सुविधा के उपलब्धता के मोताबिक रियायती आवास, चिकित्सा सुविधा, लईकन के शिक्षा सुविधा आदि मिली।

आवेदन शुल्क

आवेदन करे वाला सामान्य, ईडब्ल्यूएस आ ओबीसी श्रेणी के आवेदकन के 500 रुपिया आवेदन शुल्क देवे के होई, जबकि एससी, एसटी, पीडब्ल्यूबीडी आ महिला उम्मीदवारन के कवनो तरे के कवनो आवेदन शुल्क ना देवे के होई।

अइसे करीं आवेदन

• सबसे पहिले उम्मीदवार आधिकारिक वेबसाइट uraniumcorp.in पs जाईं।
• अब होमपेज पs UCIL भरती 2024 लिंक पs क्लिक कs के आवश्यक विवरण दर्ज करीं।
• एकरा बाद आवश्यक दस्तावेज जमा करीं आ आवेदन शुल्क के भुगतान करीं।
• अंत में आवेदन पत्र जमा कs दीं आ भविष्य के संदर्भ खातिर एकर प्रिंटआउट अपना लगे रख लीं।