काल्ह हs UPSC CSE 2024 के परीक्षा, एग्जाम से पहिले पढ़ लीं इs जरूरी गाइडलाइंस

Minee Upadhyay

 

संघ लोक सेवा आयोग (यूपीएससी) सिविल सेवा परीक्षा प्रारंभिक (सीएसई प्रीलिम्स 2024) के परीक्षा काल्हु यानी 16 जून के करावल जाई. यूपीएससी सीएसई के प्रारंभिक परीक्षा दू पाली में करावल जाई. पहिला पाली के परीक्षा सबेरे 9:30 बजे से 11:30 बजे तक अवुरी दूसरा पाली के परीक्षा दुपहर 2:30 बजे से दुपहर 4:30 बजे तक होई। पेपर 1 आ 2 दुनो में वस्तुनिष्ठ प्रकार के सवाल होई। पेपर 1 में 100 सवाल अवुरी पेपर 2 में 80 सवाल होई, दुनो 200 अंक के होई। एह परीक्षा में आवे वाला उम्मीदवार नीचे दिहल दिशानिर्देश जानी.

परीक्षा के दिशानिर्देश 

*अभ्यर्थी के एडमिट कार्ड लेके परीक्षा केन्द्र ले जाए के ना भुलाए के चाहीं.

*उम्मीदवार अपना यूपीएससी आईएएस 2024 के ई-एडमिट कार्ड के प्रिंटआउट लेके आवे के चाहीं आ ओकरा के डबल चेक करे के चाहीं कि कवनो तरह के विसंगति ना होखे.

*एडमिट कार्ड के संगे अभ्यर्थी के दुगो फोटो अवरू आईडी प्रूफ जईसे मूल आधार कार्ड, ड्राइविंग लाइसेंस, मतदाता आईडी कार्ड, पैन कार्ड, पासपोर्ट चाहे कवनो अवरू जानकारी होखे के चाही।

*ध्यान देवे वाला बात बा कि ओएमआर शीट भरत समय कवनो गलती, खास तौर पs रोल नंबर अवुरी टेस्ट बुकलेट सीरीज कोड के संबंध में, यूपीएससी प्रीलिम्स 2024 के जवाब पत्र के खारिज कs दिहल जाई।

*उम्मीदवार के रिपोर्टिंग के समय से कम से कम 60 मिनट पहिले परीक्षा हॉल पहुंचे के चाही ताकि अंतिम समय में परेशानी से बच सके.

*परीक्षार्थियन के परीक्षा हॉल में निजी सामान भा इलेक्ट्रॉनिक्स ले जाए के इजाजत नइखे. अगर अइसन उपकरण भा सामान मिल गइल तs ओह लोग के उम्मीदवारी रद्द कs दिहल जाई.

यूपीएससी प्रीलिम्स एडमिट कार्ड 2024 7 जून, 2024 के जारी भइल रहे आ उम्मीदवार एकरा के यूपीएससी के वेबसाइट upsc.gov.in से डाउनलोड कs सकेलें. आईएएस परीक्षा 79 परीक्षा केंद्र में ऑफलाइन मोड में करावल जाई।

 

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।