बियाहल महिला के शुक के सबेरे आगरा के इदगाह में संदिग्ध परिस्थिति में मौत हो गइल। मरेवाला के माता-पिता के पहुंचे से पहिले ससुराल के लोग अंतिम संस्कार खाती लाश के लेके चल गइले। अभिभावक पुलिस के सूचना देले। पुलिस दाह संस्कार स्थल पs पहुंच के लाश के चिता से निकाल के पोस्टमार्टम खाती भेज देलस। मातृ पक्ष के ओर से पति अवुरी सास के खिलाफ दहेज से मौत के आरोप लगा के मुकदमा दर्ज करावल गइल बा।
इदगाह निवासी कविता (24) के बियाह अनुज से दु साल पहिले भइल रहे। अनुज पेशे से हलवाई हवें। उनकर एगो 1 साल के बेटी बिया। उ किराया के घर में रहत रहले। परिजन पुलिस के बतवले कि शुक के सबेरे कविता के ससुराल के लोग फोन कइले। बतावल गइल कि बेटी के मौत हो गइल बा। घरे पहुंचे से पहिले ही उनकर ससुराल अंतिम संस्कार खातिर लाश लेके चल गइले।
परिवार के लोग ऑटो से आवत रहले। भाई सुमनेश पुलिस के सूचना देले। बतावल गइल कि बहिन के हत्या कर दिहल गइल बा आ ओकर लाश जरावल जाता। एकरा पs पुलिस पहुंचल। ताजगंज के दाह संस्कार स्थल में अंतिम संस्कार खातिर जरावल गइल रहे। पुलिस लाश के चिता से निकाल के पोस्टमार्टम खातिर भेज देलस। एसीपी सदर डॉ. सुकन्या शर्मा बतवली कि मरेवाली के माता-पिता उनका पति आ सास के खिलाफ दहेज के चलते मौत के आरोप लगावत शिकायत दर्ज करवले बाड़े। ओकरा खिलाफ मुकदमा दर्ज करावल गइल बा। सबूत संकलन के ओकरा आधार पs कार्रवाई कइल जाई।
Comments are closed.