यूपी में भेड़िया के हमला में बहुत लोग के जान गंवा चुकल बा। यूपी सरकार भी एs मामला में गंभीर देखाई देता। एही बीच सीतापुर से एगो हैरानी के मामला सोझा आईल बा। इहाँ एगो युवक गीदड़ के भेड़िया समझ के ओकरा के मार दिहलस। ई सियार ओह नवही पs हमला कs दिहले रहुवे. युवक के अस्पताल में भर्ती करावल गईल बा। मामला सिधौली तहसील के असोधन गांव के हs।
यूपी के सीतापुर में अतवार के देर रात एगो युवक पs गीदड़ हमला कs देलस। हमला के बाद युवक अवुरी सियार के बीच लंबा संघर्ष भईल, जवना में सियार के हमला के चलते युवक घाही हो गईल। युवक ओकरा के भेड़िया होखे के आशंका करत सियार के लाते से मार के हत्या कs दिहलस।
हल्ला सुन के गाँव के लोग लाठी लेके दौड़ल। मशाल के रोशनी में जब लोग देखल तs भेड़िया के जगह सियार निकलल। सूचना मिलला के बाद वनकर्मी मौका पs पहुंच के सियार के लाश के अपना कब्जा में ले लेले। घाही युवक के इलाज खातीर स्वास्थ्य केंद्र पहुंचावल गईल। जहां इलाज के बाद उनुका के घरे भेज दिहल गईल।
