रक्षाबंधन के दिन बहिन भाई के कलाई प राखी बान्हेले अवुरी भाइओ बहिन के रक्षा करे के वादा करेले। लेकिन, इंजीनियरिंग के दुगो छात्रा अयीसन स्मार्ट राखी बनवले बाड़ी जवन कि भाई लोग के रक्षा के संगे-संगे कलाई के सुंदरता बढ़ावे में मददगार साबित होई। राखी में एगो बटन बा जवना में इ डिवाइस बा, जवना के दुर्घटना के स्थिति में दबावे प डालल नंबर प खतरा अलर्ट भेजल जाई, संगही ब्लड ग्रुप अवुरी लोकेशन के मैसेज भी दिहल जाई।
ई स्मार्ट राखी कम्प्यूटर साइंस एंड इंजीनियरिंग, इंस्टीट्यूट ऑफ टेक्नोलॉजी एंड मैनेजमेंट (आईटीएम), गीडा के छात्रा पूजा यादव, आ फार्मेसी के छात्रा विजया रानी ओझा बनवले बाड़ी। एकर नाम ह स्मार्ट मेडिकल सेफ्टी राखी।
ई लोग बतवली कि इ राखी भी देखे में बहुत सुंदर बा। एकरा में सुरक्षा के सुविधा बा, जवन कि खतरा के समय बहुत उपयोगी साबित होई। संस्थान के निदेशक डॉ. एनके सिंह कहले कि ए नवाचार के जल्दी से जल्दी बाजार में ले आवे के प्रयास कईल जाई।
बटन के एक बेर दबावे के पड़ी
छात्रा बतवली कि राखी में लागल ए डिवाइस में पांच मोबाइल नंबर डालल जा सकsता। परिवार के सदस्य के संख्या के अलावे डॉक्टर एम्बुलेंस के नंबर दर्ज क सकल जाला। अप्रिय घटना के स्थिति में राखी में एक बेर बटन दबावे के पड़ी, जीपीएस के माध्यम से परिवार के लोग के मोबाइल प खतरा के संदेश पहुंच जाई। लोकेशन भी आ जाई।
900 आई लागत बा
ई स्मार्ट राखी बनावे में 900 रुपिया खरच हो गइल बा. एकरा में ब्लूटूथ अवरू बैटरी के अलावे नैनो पार्ट के इस्तेमाल कईल गईल बा। एकरा से एक चार्ज प करीब 12 घंटा के बैकअप मिली। गाड़ी चलावत घरी एकरा के ब्लूटूथ से जोड़ल जा सकता
Comments are closed.