माइक्रोब्लॉगिंग साइट ट्विटर एगो नाया फीचर के परीक्षण कs रहल बा। ट्विटर के एह नाया फीचर के नाम ‘सर्किल’ हs। ट्विटर सर्किल फीचर अइला के बाद ई खुद तय कइल जा सकी कि राउर ट्वीट केकरा के लउकी केकरा के ना।
दरअसल, ट्विटर के ई फीचर रउआ के एगो ग्रुप भा सर्किल बनावे के सुविधा दी। जवना से राउर ट्वीट रउआ द्वारा बनावल गइल ग्रुप में लउकी। ट्विटर के मोताबिक सर्किल फीचर के अइला के बाद एमे अधिकतम डेढ़ सौ लोगन के जोड़ल जा सकी।
ट्विटर के ई फीचर बहुत हद ले इंस्टाग्राम के क्लोज फ्रेंड फीचर जइसने बा। साफ शब्दन में कहल जाव तs रउआ अपना कुछ खास ट्वीट फॉरवर्ड कs सकेम। एकरा बाद राउर ऊ खाली ओहि लोग के लउकी।
