सरदी से पीड़ित होखे के बहुत कारन हो सकता। मौसम में बदलाव के चलते बहुत लोग ठंडा के शिकार हो जाले, अवुरी बहुत लोग ठंडा खाना खईला के चलते चाहे नम वातावरण में रहे के चलते भी ठंडा के शिकार हो जाले। आम तौर पs लोग सरदी होखला पs सीधा एलोपैथिक दवाई के इस्तेमाल करेले, बाकिर रउरा सरदी के इलाज घरेलू उपाय से भी कs सकतानी।
जवना लोग के हर समय सरदी, खांसी अवुरी फ्लू के सामना करे के पड़ेला, ओ लोग के इम्यूनिटी कमजोर होखेला। अगर रउरा अइसन समस्या से छुटकारा पावल चाहत बानी तs रउरा अपना इम्यूनिटी के मजबूत करे के कोशिश शुरू करे के चाहीं. इम्यूनिटी के बढ़ावे खातिर आप औषधीय गुण से भरपूर कुछ चीज़ के सेवन कs सकतानी। आयुर्वेद के मुताबिक, एs सभ चीज़ के अपना खानपान में शामिल कईला से आप आपन समग्र स्वास्थ्य के बहुत हद ले मजबूत कs सकतानी।
हल्दी दूध
हल्दी दूध ना खाली आपके इम्यूनिटी के मजबूत करे में बालुक सरदी अवुरी खांसी के समस्या के दूर करे में भी कारगर साबित हो सकता। एकरा खातिर एक गिलास गरम दूध में करीब दु चम्मच हल्दी पाउडर मिला के पीये के होई। बेहतर रिजल्ट पावे खातिर औषधीय गुण से भरल इs पेय दिन में एक-दु बेर पी सकतानी।
तुलसी के पतई
सरदी अवुरी खांसी के समस्या से छुटकारा पावे खातीर आप तुलसी के पतई के सेवन कs सकतानी। सबसे पहिले 5 से 8 तुलसी के पतई पीस लीं। अब पिसल तुलसी के पतई पानी में डाल के बढ़िया से उबाल लीं। एह तरह से तुलसी के पतई से बनल काढ़ा पी के आप अपना इम्यूनिटी के बहुत हद ले बढ़ा सकेनी।
मेथी आ अलसी
अवुरी खांसी के समस्या से छुटकारा पावे खातीर आप 3-4 ग्राम मेथी आ अलसी के बीज लेके 1 गिलास पानी में उबाल लीं। जब बढ़िया से उबल जाव तs ओकर 3-4 बूंद दुनो नाक के छेद में डाल दीं। एहसे ठंड से राहत मिलेला।