राकांपा नेता आह्वाड रुकववलें फिल्म ‘हर हर महादेव’ के प्रदर्शन, शिवाजी के गलत चित्रण के आरोप

महाराष्ट्र के राकांपा नेता अउर पूर्व मंत्री जितेंद्र आह्वाड अउर उनके समर्थक लोग सोमार के साँझ ठाणे में मराठी फिल्म ‘हर हर महादेव’ के प्रदर्शन रुकवा दिहलें। एह फिल्म में छत्रपति शिवाजी के गलत चित्रण के आरोप बा।

पूर्व मंत्री आह्वाड के कहनाम बा कि फिल्म में ऊ बात दर्शावल गइल बा जौन इतिहास में घटबे नाइ कइल। ऊ सवाल कइलें कि अइसन बात के फिल्म में प्रदर्शन काहें होखे के चाहीं? एही आपत्ति के ले के और उनके समर्थक कल शाम एक मल्टीप्लेक्स में पहुंचलें अउर उहां जबर्दस्ती करत फिल्म के प्रदर्शन रुकवा दिहलें। एह दौरान दर्शक लोग विरोध कइल अउर एक दर्शक उनके रोकलस त ओकरे साथ मारपीट कइल गइल। ओंने एगो मराठा संगठन के सदस्य लोग पुणे के एक थिएटर में एह फिल्म के स्क्रीनिंग के रोक दिहलें। उनकर आरोप बा कि ई फिल्म इतिहास के विकृत ढंग से प्रदर्शित करेले।