DDU में सीनियरिटी-लिस्ट के लेके फेर उठल विवाद: प्रोफेसर राजभवन के पत्र लिखके जांच के मांग कइलें , कहलें- सर्वोच्च-संस्था में विचाराधीन ममिला में अधीन-संस्था फैसला ले सकत बिया है का?

दीनदयाल उपाध्याय गोरखपुर यूनिवर्सिटी में टीचर्स के सीनियरिटी लिस्ट के लेके एक बेर फिर विवाद गहिरात नजर आ रहल बा। कार्य परिषद सदस्य प्रो. सुभी धुसिया 1 महीना के अंदर दूसरका बेर राजभवन के पत्र लिखके पूरा ममिला के जांच के मांग कइले बाड़ी।

प्रो. सुभी धुसिया जुलाई महीना में सीनियरिटी के चक्रानुक्रम में समाजशास्त्र डिपार्टमेंट के HOD बनल रहली। 1 फरवरी के कार्य परिषद के मीटिंग के बाद DDU प्रशासन के ओर से जारी आदेस के बाद प्रो. अनुराग द्विवेदी के समाजशास्त्र डिपार्टमेंट के हेड ऑफ डिपार्टमेंट बनावल गइल बा। प्रो. अनुराग द्विवेदी चार्ज ले लेले बाड़ें। सीनियरिटी लिस्ट में उनका के जूनियर बतावल जाये पs 1 महीना पहिलहू  प्रो. धुसिया ने राजभवन के पत्र लिखले रहली थी।

राजभवन मंगले रहे रिपोर्ट

एह संबंध में राजभवन DDU प्रशासन से जांच कराके रिपोर्ट मंगले रहे। एह बीच 1 फरवरी के कार्य परिषद के मीटिंग के दिन ऊ एक बेर फेर राजभवन के पत्र लिखले बाड़ी। कुलपति आ कुलसचिव के ऊ एकर कॉपी भेजले बाड़ी। अब ई पत्र वायरल हो रहल बा। वायरल पत्र के अनुसार प्रो. सुभी आर प्रो. अनुराग के नियुक्ति साल 2001 में भइल रहे। प्रो. सुभी 20 जुलाई आ प्रो. अनुराग 21 जुलाई के विभाग में ज्वाइन कइले रहस।

फेसबुक पs कइली पोस्ट

प्रो. सुभी सोशल मीडिया ‘फेसबुक’ पs एकरा के लेके पोस्ट कइले बाड़ी। ऊ प्रो. अनुराग के बधाई देत लिखले बाड़ी, एकरा से कुछ इतर सवाल बा। जानत बानी कि ई फोरम एकरा खातिर नइखे, बाकिर जहां से जवाब मिले के रहे, ऊ संस्था कवनो जवाब दिहल जरूरी ना समझल। जदि कवनो मसला कवनो सर्वोच्च संस्था में विचाराधीन बा तs का ओकर अधीन संस्था फैसला ले सकत बिया?

3 डिपार्टमेंट में अध्यक्ष बदलला के बा अटकल

कार्य परिषद में सीनियरिटी लिस्ट के रिपोर्ट पेश होखाला के बाद तीन गो आउर विभागन में हेड ऑफ डिपार्टमेंट बदलला के अटकल तेज हो गइल बा। आर्ट्स फैकल्टी के एगो डिपार्टमेंट में HOD के बदलला के चरचा सबसे जादे बा। सीनियरिटी लिस्ट में एगो आउर प्रोफेसर का नाम आगे चल रहल बा। ओहिजा साइंस फैकल्टी के दुगो प्रमुख विभागन  में भी अध्यक्ष बदल सकत बा लो।

साभार : दैनिक भास्कर