आज के समय के सबसे बड़ समस्या में से एगो डायबिटीज बा। डायबिटीज में खानपान पs ध्यान दिहल बहुत जरूरी बा। बेहतर आहार से ही डायबिटीज के खतरा कम हो सकता। एही कारण से चीनी के मरीज के अपना खाना-पीना के खास ध्यान राखे के सलाह दिहल जाता। अगर आप स्वस्थ आहार लेत बानी त डायबिटीज के संगे-संगे शारीरिक कमजोरी भी कम हो सकता। बाकिर रउवा जानत बानी कि डायबिटीज के मरीज के कवन सूखा फल के सेवन करे के चाही? हँ, रउरा एकदम सही सुनले बानी. सूखा फल के सेवन शरीर के स्वस्थ राखे में मददगार होखेला। तs आईं जानी जा कि डायबिटीज में कवन-कवन सूखा फल खाए के चाही।
डायबिटीज में कवन ड्राई फ्रूट्स खाए के चाहीं-
बादाम-
बादाम अइसने एगो सूखा फल हs जवन स्वास्थ्य खातिर बहुत फायदेमंद मानल जाला। डायबिटीज के मरीज रोज बादाम के सेवन सकतारे। बादाम खईला से शरीर में इंसुलिन के उत्पादन के प्रक्रिया तेज हो जाला अवुरी ब्लड शुगर के स्तर के नियंत्रित करे में भी मदद मिल सकता। मधुमेह में भींजल बादाम के सेवन अधिका फायदेमंद मानल जाला।
काजू-
काजू अइसने एगो सूखा फल हs जवना के लगभग सभके खाइल पसंद बा। एकर इस्तेमाल कई तरह के पकवान में होला। अगर काजू के सेवन सीमित मात्रा में कईल जाए त इ ब्लड शुगर के नियंत्रित करे में मदद कs सकता। डायबिटीज के मरीज एकरा के अपना खानपान में शामिल कs सकतारे।
अखरोट-
अखरोट में विटामिन ई भरपूर मात्रा में होखेला अवुरी कैलोरी कम होखेला, जवना से टाइप 2 डायबिटीज के खतरा कम हो सकता। डायबिटीज के मरीज अपना आहार में अखरोट के शामिल कs सकतारे।
पिस्ता-
पिस्ता में फाइबर, प्रोटीन अवुरी एंटीऑक्सीडेंट होखेला, जवन कि ब्लड शुगर के नियंत्रित करे में मददगार होखेला। डायबिटीज के मरीज अपना आहार में पिस्ता के शामिल कs सकतारे।
अस्वीकरण: सलाह समेत ई सामग्री खाली सामान्य जानकारी देले। ई कवनो तरह से योग्य चिकित्सा राय के विकल्प नइखे. अधिक जानकारी खातिर हमेशा कवनो विशेषज्ञ भा अपना डॉक्टर से सलाह लीं.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
