का 4 जून के शेयर बाजार बंद होखे वाला बा, जून में बाजार केतना दिन खातिर बंद होई?

बहुत लोग के दिमाग में सवाल आवत बा कि का वोटिंग के दिन जइसन रिजल्ट के दिन शेयर बाजार बंद रही? बता दीं कि शेयर बाजार में साप्ताहिक छुट्टी के अलावा सार्वजनिक छुट्टी भी बा।

लोकसभा चुनाव के वोटिंग पूरा हो गइल बा । केंद्र सरकार चुने के चुनाव 7 चरण में पूरा हो गइल। जवना राज्य में चुनाव भइल रहे, ओह दिन खातिर छुट्टी के घोषणा हो गइल रहे। महाराष्ट्र में भी इहे भइल। जब मुंबई में वोटिंग भइल तs ओह दिन शेयर बाजार भी ओहिजा बंद रहल । अइसने में बहुत लोग के मन में सवाल उठता कि चुनाव के नतीजा के दिन भी बाजार बंद रही? बाजार 4 जून के खुली। एह दिन बाजार के छुट्टी ना होई।

जून महीना में बीएसई आ एनएसई पs केतना दिन तक कारोबार बंद रही? एह लेख में हमनी के रउआ सबे के छुट्टी के दिन के सूची दे रहल बानी सs। बता दीं कि शेयर बाजार शनिचर आ एतवार के दिने बंद होला । एकरा अलावे कवनो सार्वजनिक छुट्टी पs शेयर बाजार भी बंद रहेला। शनिचर आ एतवार के दिने इक्विटी, इक्विटी डेरिवेटिव आ एसएलबी सेगमेंट में कवनो कारोबार ना होखे । एकरा संग ही कैपिटल मार्केट आ एफ एंड ओ में काम भी सार्वजनिक छुट्टी के दिन बंद हो जाला।

15-16-17 के बाजार बंद रही

जून महीना में एक बेर लगातार 3 दिन तक बाजार बंद रही। 15 आ 16 जून के साप्ताहिक छुट्टी आ 17 जून के बकरीद का मौका पर बाजार बंद रही । एकरा अलावे जून में खाली साप्ताहिक छुट्टी बा। मतलब कि बकरीद के अलावे जून में शेयर बाजार खातीर कवनो अतिरिक्त छुट्टी नइखे। 1, 2, 8, 9, 15, 16, 22 आ 23 जून के शनिचर आ एतवार के बा । साप्ताहिक छुट्टी का चलते एह दिन बाजार बंद रही ।

बाजार में उछाल के उम्मीद बा

चुनाव के नतीजा वर्तमान सत्ताधारी दल भाजपा के पक्ष में देखाई देता। बाजार के विशेषज्ञ एकरा के बाजार खातिर एगो बढ़िया संकेत मानत बाड़े । मोतीलाल ओसवाल फाइनेंशियल सर्विसेज के अध्यक्ष आ सह-संस्थापक रामदेव अग्रवाल के कहना बा कि अगर भाजपा फेर से सत्ता में आ गइल तs शेयर बाजार के मार्केट कैप 5 खरब डॉलर से बढ़ के दस खरब डॉलर हो जाई । उनकर कहनाम बा कि भाजपा के 400 से जादे सीट मिल सकता।

8526400cookie-checkका 4 जून के शेयर बाजार बंद होखे वाला बा, जून में बाजार केतना दिन खातिर बंद होई?no