हैदराबाद : तेलंगाना में महिला के महालक्ष्मी योजना से बहुत फायदा मिल रहल बा। राज्य सरकार 10 सितंबर के कहलस कि योजना शुरू भईला के बाद से तेलंगाना में 83 करोड़ से जादे महिला आरटीसी बस में मुफ्त में यात्रा कs चुकल बाड़ी, जवना से उs लोग के 2,840 करोड़ रुपया के बचत भईल बा।
तेलंगाना राज्य सड़क परिवहन निगम (टीजीएसआरटीसी) पs भईल समीक्षा बैठक के दौरान परिवहन मंत्री पोन्नम प्रभाकर मुख्यमंत्री एs रेवंत रेड्डी के महालक्ष्मी योजना के लागू करे के बारे में जानकारी देले। उs कहले कि आरटीसी बस में 83.42 करोड़ महिला मुफ्त यात्रा कईली अवुरी एकरा से महिला के 2,840.71 करोड़ रुपया के बचत भईल। दिसंबर 2023 से सरकार एह योजना के सफलतापूर्वक चलावत बिया. इs सुविधा 7,292 आरटीसी बस में उपलब्ध बा।
सीएम बस में ऑक्यूपेंसी रेट के बारे में जानकारी लेले
मुख्यमंत्री महालक्ष्मी योजना के तहत बस में ऑक्यूपेंसी रेट के बारे में जानकारी लेले। परिवहन मंत्री कहले कि अलग-अलग जिला से हैदराबाद के अस्पताल में आवे वाली महिला के संख्या में बढ़ोतरी भईल बा। प्रस्तुति में महालक्ष्मी योजना के सफल क्रियान्वयन पs अखबारन में छपल लेख भी देखवले।
मुख्यमंत्री आरटीसी के अधिकारियन के सुझाव दिहलन कि बस खरीदे से पहिले बस यात्रा आ नया यात्रा मार्ग के मांग पs विचार कइल जाव. टीजीएसआरटीसी के अधिकारी मुख्यमंत्री के विभिन्न बैंक, कर्मचारी भविष्य निधि से मिलल धन के उपयोग अवुरी सेवानिवृत्त कर्मचारी के देवे के लंबित बकाया के बारे में जानकारी देले। कुल मिलाके आरटीसी में 6332 करोड़ रुपया के कर्जा जमा भईल।
बैंक से लिहल लोन पs ब्याज दर जादा के देखत मुख्यमंत्री अधिकारी से ब्याज दर कम करे अवुरी लोन के पुनर्गठन पs अध्ययन करे के कहले। मुख्यमंत्री रेवंत रेड्डी चाहत रहले कि निगम पs कर्ज के बोझ धीरे-धीरे कम होखे। अधिकारी मुख्यमंत्री के बतवले कि महालक्ष्मी योजना खातीर सरकार के ओर से दिहल गईल ऑक्यूपेंसी रेट अवुरी प्रतिपूर्ति में बढ़ोतरी के संगे आरटीसी मुनाफा कमा रहल बा।
Comments are closed.