उपवास के दिन बहुत जरूरी बा कि शरीर ऊर्जावान रहे, आ फल के आहार से ऊबाऊ महसूस ना होखे एहसे आज हमनी के रउआ के बतावे जा रहल बानी कि चीला (सिंघरा अट्टा चीला) बनावे के तरीका। स्वादिष्ट होखे के अलावे ई चीला रउवा के ऊर्जा से भी भर दिही। एकरा के बनावे खातिर साधारण स्टेप के पालन करे के पड़ी
सिंघाड़ा आटे के चीला बनावे के सामग्री / मेजन
सिंघाड़ा आटा – 1 कप
तेल/घी – 1 टेबल स्पून
हरी मिर्च कटी – 2
सेंधा नमक – 1/2 टी स्पून
हरा धनिया कटा – 1 टेबल स्पून
पानी
स्टेप
सिंघाड़ा के आटा के चीला बनावे खातिर, जवना के इस्तेमाल स्नैक के रूप में होखेला, सबसे पहिले गहिरा तह वाला बर्तन ले लीहि। ओकरा में सिंघाड़ा के आटा डाल दीं।
अब हरियर मिर्च लेके बारीक काट के सिघड़ा के आटा में मिला लीं। अब ओकरा में कटल धनिया आ रॉक सॉल्ट डाल दीं। ई सब बढ़िया से मिला लीं।
अब धीरे-धीरे पानी डाल के घोल तैयार करीं। जइसे हमनी के बेसन के चीला बनावत घरी घोल तैयार करेनी सs, ओसही । घोल बहुत पातर भा बहुत गाढ़ ना होखे के चाही। औसतन हमनी के ओर से बतावल गइल सामग्री से चीला जईसन घोल बनावे खातीर 3 से 4 कप पानी के जरूरत होखेला।
अब एगो नॉन स्टिक पैन ले लीं। गरम करे खातिर गैस पर रखी। अब कड़ाही पर घोल फैला दीं। एकरा के बेसन के चीला नियन गोल आकार में फैला दीं। जब नीचे के ओर से चीला तनी पाक जाई तs चीला के चारों ओर तेल/घी डाल के भूंज लीं। एह दौरान चीला पर तेल/घी लगाईं अब चीला के घुमा दीं। एकरा बाद चीला के ऊपरी परत पs तेल/घी लगा के फेर से लगाई। जब चीला दुनो ओर से बढ़िया से पक जाए तs ओकरा के प्लेट में निकाल लीं। एह तरह से राउर व्रत के चीला तैयार हो जाला। एकरा के दही भा रायता के संगे खा सकेनी।