नया साल में एह स्मार्टफोन में ना चली Whatsapp, कहीं राउरो फोन तs नइखे सामिल, देखीं लिस्ट

हर साल व्हाट्सएप कइयन गो पुरान ऑपरेटिंग सिस्टम खातिर आपन सपोर्ट बंद करेला। सपोर्ट बंद करे के मतलब ई बा कि कुछ डिवाइस खातिर व्हाट्सएप के नया अपडेट जारी ना कइल जाला।

By Anurag Ranjan On Dec 29, 2022

जदि रउआ इंस्टैंट मैसेजिंग एप व्हाट्सएप के इस्तेमाल करत बानी तs रउआ खातिर बुरा खबर बा। दरअसल, 31 दिसंबर के बाद से व्हाट्सएप कइयन गो स्मार्टफोन में काम कइल बंद कs दी। जदि राउर फोन आउटडेटेड ऑपरेटिंग सिस्टम पs चल रहल बा तs एमे व्हाट्सएप चलल बंद हो सकत बा। नया साल से 49 स्मार्टफोन में व्हाट्सएप के समर्थन (Support) ना मिली। एह फोन में एपल आईफोनो सामिल बा।

दरअसल, हर साल व्हाट्सएप कइयन गो पुरान ऑपरेटिंग सिस्टम खातिर आपन सपोर्ट बंद करेला। सपोर्ट बंद करे के मतलब ई बा कि कुछ डिवाइस खातिर व्हाट्सएप के नया अपडेट जारी ना कइल जाला। पहिले से इंस्टॉल एप काम करत रहेला। बाकिर अपडेट ना मिलला के वजह से एप के नया फीचर्स ना मिल पावेला आ सिक्योरिटी के खतरा रहेला।

एहु साल कइयन गो स्मार्टफोन से व्हाट्सएप खातिर 31 दिसंबर से सपोर्ट बंद हो रहल बा। Gizchina के एगो रिपोर्ट में एह स्मार्टफोनस के लिस्ट जारी कइल गइल बा। एह लिस्ट में एपल, सैमसंग से लेके हुआवै तक के फोन सामिल बा।