लगभग 22 साल बाद आखिरकार माइक्रोसॉफ्ट स्काइप के बंद कs देलस। 5 मई 2025 से अब ई लोकप्रिय वीडियो कॉलिंग ऐप आधिकारिक तौर पs बंद हो गइल बा। कंपनी एह साल फरवरी में एलान कइले रहुवे कि स्काइप के जगह माइक्रोसॉफ्ट टीम बनावल जाई. एकरा से लाखों यूजर प्रभावित होईहे, जवन कि सालों से स्काइप के इस्तेमाल निजी अवुरी पेशेवर दुनो काम खातीर करतारे।
माइक्रोसॉफ्ट के मुताबिक, फ्री अवुरी पेड दुनो प्रकार के स्काइप यूजर टीम में लॉग इन कs के आपन पुरान चैट अवुरी संपर्क तक पहुंच सकतारे। खाली स्काइप फॉर बिजनेस यूजर के टीम में स्वचालित रूप से विलय हो जाला। अगर कवनो यूजर टीम के इस्तेमाल ना कइल चाहत होखे तs ऊ स्काइप के डाटा डाउनलोड कs के दोसरा ऐप में शिफ्ट कs सकेला.
उपयोगकर्ता लोग के जनवरी 2026 तक डेटा निर्यात करे के समय बा। अगर तब ले रउरा माइक्रोसॉफ्ट टीम्स फ्री में लॉग इन हो गइल बानी तs राउर कॉलिंग आ चैट हिस्ट्री ओहिजा उपलब्ध रही. बाकिर जदी आप कवनो कार्रवाई ना करब तs जनवरी 2026 में आपके सभ स्काइप डेटा डिलीट हो जाई।
स्काइप डेटा डाउनलोड करे खातिर:
स्काइप एक्सपोर्ट पेज पs जाके अपना माइक्रोसॉफ्ट अकाउंट से साइन इन करीं।
बातचीत, फाइल, भा दुनु के चयन करीं.
सबमिट रिक्वेस्ट पs क्लिक करीं आ डाउनलोड पूरा होखला के बाद फाइल के सेव करीं।
माइक्रोसॉफ्ट स्काइप के 2011 में खरीदलस आ एक समय में विंडोज, एक्सबॉक्स आ मोबाइल में एकीकृत कs के अरबों यूजर के लक्ष्य तक पहुँचल चाहत रहे। बाकिर इंटरफेस में लगातार बदलाव, धीमा अपडेट अवुरी ज़ूम, स्लैक, डिस्कॉर्ड जईसन ऐप के तेजी से बढ़त लोकप्रियता एकरा के पीछे छोड़ दिहलस।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
