त्वचा अउरी स्वास्थ्य दुनो ए पतई के रोज खईला पे निमन रहेला, एकर चाय भी स्वादिष्ट बनावल जाला।
हेल्दी पत्ता : अयीसन बहुत पत्ता होला जवन कि खईला पे स्वास्थ्य अउरी त्वचा दुनो खातीर फायदेमंद होखेला। इहाँ बतावल पतई के सेवन से आप खुद अंतर महसूस क सकेनी।
हेल्दी भोजन : हमनी के अपना घर में कई प्रकार के पौधा लगावेनी। एह में से कुछ पौधा अइसन होला कि घर के परिवेश के साफ-सुथरा रखेला आ कुछ खाली घर के सुंदरता बढ़ावे खातिर उपयोगी होला। एकरा संगे कुछ अयीसन पौधा भी बाड़े, जवना के पत्ता त्वचा अउरी स्वास्थ्य खातीर निमन साबित होखेला। तुलसी के पत्ता कुछ अइसने पतई ह। इ पतई कई घर में पावल जाला। एंटी-ऑक्सीडेंट से भरपूर होखे के चलते एकर इस्तेमाल चाय अउरी काढ़ा बनावे में भी होला। लेकिन, तुलसी के पतई के फायदा इहाँ खतम ना होला। तुलसी के पत्ता से शरीर अउरी त्वचा के कवना तरीका से फायदा होला, इहाँ जान लीं।
तुलसी के पत्ते के फायदे
सर्दी-जुकाम ठीक होला
सबेरे खाली पेट तुलसी के पत्ता चबा के बहुत फायदेमंद मानल जाला। एकरा अलावे तुलसी के पत्ता (तुलसी कढ़ा) चाहे चाय के काढ़ा पियला से भी सर्दी अउरी फ्लू जईसन सांस के समस्या से छुटकारा मिलेला। अगर सिर में बहुत दर्द होखे त तुलसी के पत्ता के पानी में उबाल के पीये से दर्द से राहत मिलेला।
मुँहासा कम करे में मदद करेला
चेहरा पे लाल पिंपल्स के देखाई देवे के मुँहासा कहल जाला। मुँहासा के चलते त्वचा के बाहरी परत लाल अउरी पिंपल्स से भरल देखाई देवे लागेला अउरी त्वचा भी बहुत संवेदनशील हो जाले। अइसना में तुलसी के पत्ता संक्रमण आ मुँहासा पैदा करे वाला बैक्टीरिया के मार देला आ मुँहासा के प्राकृतिक रूप से कम करे में मदद करेला। एकरा खातीर तुलसी के पत्ता खाए के अलावे ओकरा के पीस के पेस्ट बनावे में फेस पैक निहन चेहरा पे लगावल जा सकता। एगो अउरी तरीका बा कि तुलसी के तेल के नारियल तेल में मिला के कपास के मदद से मुँहासा पे लगावल जाए, ताकि त्वचा एकरा के बेहतर तरीका से सोख सके।
डायबिटीज में तुलसी के इस्तेमाल होला
डायबिटीज होला पे आदमी के अपना खानपान पे खास ध्यान देवे के जरूरत होला। एकरा अलावे अयीसन चीज़ के सेवन पे जोर दिहल जाला जवन कि ब्लड शुगर के कम करे चाहे सामान्य राखे में मदद करेला। अइसना में तुलसी के पत्ता के सेवन फायदेमंद होला। तुलसी के पत्ता खून में ग्लूकोज के स्तर के सामान्य राखे में मददगार साबित हो सकता। डायबिटीज के मरीज ए पतई के साफ कईला के बाद खा सकतारे।
पाचन के क्षमता बेहतर होला
तुलसी एसिड रिफ्लक्स के संतुलन बनावेला अउरी पाचन में सुधार करे में भी मददगार होला। अगर पेट में परेशानी महसूस होखे त गरम पानी में पकावे के बाद तुलसी के पत्ता पी सकतानी। एह पत्ता के हर्बल चाय में भी अलग-अलग तरीका से इस्तेमाल कईल जा सकता।
मुंह से बदबू दूर हो जाला
तुलसी के पतई चबइलापेर मुंह से निकले वाला बदगंध से मुक्ति मिल जाला। आप ए पतई के चबावे के आदत भी बना सकतानी। रोज सबेरे उठ के कुछ तुलसी के पत्ता चबा लीं। एकरा अलावे जब भी मुंह से बदबू आवेला त तुलसी के पत्ता खा लीं। गंध कम हो जाई|
इम्यूनिटी मजबूत हो जाला
तुलसी के पत्ता में बहुत सारा एंटी-ऑक्सीडेंट अउरी एंटीबैक्टीरियल गुण पावल जाला। इ पत्ता शरीर के बहुत संक्रमण से दूर राखे में भी मददगार साबित होला। अइसना में हानिकारक बैक्टीरिया से लड़े वाला एह पत्ता के खा के शरीर के प्रतिरक्षा बढ़ावल जा सकेला।
