मूंगफली के दुष्प्रभाव : मूंगफली के सेवन ए लोग खातीर जहर बन जाला! खाए से पहिले एकर नुकसान जान लीं

मूंगफली के दुष्प्रभाव : मूंगफली के सेवन ए लोग खातीर जहर बन जाला! खाए से पहिले एकर नुकसान जान लीं

 

मूंगफली के दुष्प्रभाव : जाड़ा के मौसम में मूंगफली के सेवन जादा होखेला। एकरा के खईला के फायदा आपके मालूम होई, लेकिन कुछ लोग के एकर सेवन बिल्कुल ना करे के चाही। काहेंकी एकर बहुत दुष्प्रभाव होला।

स्वास्थ्य संबंधी टिप्स : भारत में लगभग हर जगह मूंगफली खाए के पसंद कईल जाला। एकरा के सस्ता बादाम भी कहल जाला। एकरा में कई गो पोषक तत्व पावल जालें। बहुत लोग ठंड के मौसम में मूंगफली के सेवन जादा करेले। एकरा में प्रोटीन, फैटी एसिड, कार्ब्स, फाइबर अउरी हेल्दी फैट होला, लेकिन कुछ लोग खातीर इ बहुत नुकसानदेह होला। एकरा से एलर्जी के समस्या भी हो सकता। जेकरा अपच के समस्या बा, ओकरा एकर सेवन से भी बचे के चाही। ब्लड प्रेशर अउरी दिल से जुड़ल मरीज के भी एकर सेवन के नुकसान के जानकारी होखे के चाही।

एह लोग के मूंगफली से दूर रहे के चाहीं

•अगर आपके वजन जादा बा त मूंगफली के सेवन से बचे के चाही, काहेंकी एकरा में कैलोरी जादा होला, जवना से आपके वजन बढ़ जाला।

•जवना लोग के अपच के समस्या बा चाहे पेट के समस्या से परेशान बाड़े, ओ लोग के मूंगफली से दूर रहे के चाही, काहेंकी पेट फूले के समस्या शुरू हो जाला।

•अगर मूंगफली के सेवन जादा होखी त ब्लड प्रेशर अउरी दिल से जुड़ल समस्या हो सकता, काहेंकी एकरा में सोडियम के मात्रा जादा होखेला। एही से एकर सेवन कम मात्रा में ही करे के चाही।

•मूंगफली के जादा खईला से लिवर के समस्या भी बढ़ सकता। कमजोर लिवर वाला लोग के मूंगफली खाए से परहेज करे के चाही। दूसर ओर, अगर एकर सेवन जादा होखे त वजन भी तेजी से बढ़े लागेला। अइसना में एकर सेवन ना करे के चाहीं।

•मूंगफली के जादा खईला से त्वचा के एलर्जी के समस्या भी होला। एकर दुष्प्रभाव कुछ अयीसन देखाई देता। जइसे कि शरीर पे सूजन, लाल दाना, खुजली अउरी लाली अगर एलर्जी बा त एकरा के खाए से परहेज करे के चाही ना त एकरा के खाए से पहिले डॉक्टर से सलाह लेवे के चाही।

(अस्वीकरण: इहाँ दिहल जानकारी घरेलू उपाय अउरी सामान्य जानकारी पे आधारित बा। एकरा के अपनावे से पहिले मेडिकल सलाह लेवे के होई। खबर भोजपुरी एकर पुष्टि नईखे करत।)