सालार रिलीज होखे से पहिले ही बाहुबली 2 आ आरआरआर के हरा दिहलस, प्रभास के फिल्म के ओवरसीज राइट्स एतना करोड़ में बिक चुकल बा
बाहुबली आ बाहुबली 2 के सफलता के बाद सभकर नजर अभिनेता प्रभास के आवे वाला प्रोजेक्ट पे बा | प्रशंसक एक ओर उनुका फिलिमन के बेसब्री से इंतजार करत बाड़े त उनुका जिनिगी से जुड़ल हर खबर के जाने खातिर बेचैन बाड़े | एही बीच अभिनेता के आवे वाली फिल्म सालार के लेके एगो बड़ खुशखबरी सामने आईल बा। दरअसल प्रभास के आवे वाली फिलिम सालार के ओवरसीज राइट्स सबले बेसी दाम पे बिकाइल बा | प्रभास के प्रशंसक ई खबर सुनला के बाद सातवें आसमान पे बाड़े।
हेल प्रभास के शेयर कइल ट्वीट में लिखल बा कि सालार के विदेश अधिकार 90 करोड़ में बिकाइल बा जवन कवनो भारतीय फिलिम के विदेश में बिकाइल रकम से अधिका बा| साथही एह खबर का साथे प्रभास खुदे अपना फिलिम के रिकार्ड तूड़ दिहले बाड़न| असल में खबर के मुताबिक बाहुबली 2: द कन्क्लूजन के अधिकार 70 करोड़ में रहे, जवन कि अभी तक सबसे ऊपर रहे। दूसरा नंबर पे एसएस राजामौली के आरआरआर बा, जवना के विदेशी अधिकार 68 करोड़ में बेचल गईल। बाकिर सालार 90 करोड़ के विदेश अधिकार ले के नंबर एक पे आ गइल बा जवना के सुन के प्रशंसक खुश बाड़े|
बतावत बानी कि प्रभास अभिनीत फिल्म सालार 28 सितंबर 2023 के रिलीज होखे वाला बा जवना में श्रुति हासन मुख्य भूमिका में नजर अइहें| पिछला साल एकर पोस्टर जारी भइल बा जवना पे भारत में ना बलुक पूरा दुनिया के प्रशंसक आपन प्यार के बरसात कइले रहले| साथही प्रभास के प्रशंसकन के दू सौ करोड़ के बजट में बनल एह फिलिम से बहुते उमेद बा आ का प्रभास पठान के रिकार्ड तूड़ के नया रिकार्ड हासिल कर पइहें| काहे कि बाहुबली 2 के बाद अबहीं उनुकर हिट फिल्म आवे वाला बा जवना के प्रशंसक बेसब्री से इंतजार करत बाड़ें।
