डीडीयूजी के दीनदयाल उपाध्याय विश्वविद्यालय गोरखपुर में प्रवेश लेवे में पूर्वांचल के छात्र ही ना, 23 अलग-अलग राज्य के छात्र भी रुचि देखवले बाड़े। जम्मू कश्मीर भी एह 23 राज्यन में शामिल बा। जहाँ गोरखपुर विश्वविद्यालय में दाखिला लेबे खातिर छात्र उत्साहित लउकत बाड़े. हालांकि विश्वविद्यालय के ओर से बतावल गईल बा कि 8 जून ले दाखिला के प्रक्रिया जारी रही। अयीसना में इs संख्या अवुरी बढ़ सकता। बहुते विद्यार्थी अबहियों एडमिशन ले सकेलें. विश्वविद्यालय में छात्रन के रुचि बढ़े के सबसे बड़ कारण इs बा कि विश्वविद्यालय में 4 साल के स्नातक कार्यक्रम भी बा जवना में विभिन्न प्रकार के शोध अवुरी सम्मान के विकल्प बा।
दीनदयाल उपाध्याय विश्वविद्यालय, गोरखपुर में देश भर के छात्रन के आकर्षण बढ़ रहल बा। बिहार, पश्चिम बंगाल, झारखंड, हरियाणा, दिल्ली, नागालैंड, त्रिपुरा, गोवा, मणिपुर, अरुणाचल प्रदेश अवुरी जम्मू-कश्मीर समेत 23 राज्य के छात्र एs विश्वविद्यालय में दाखिला खातीर आवेदन कईले बाड़े। विश्वविद्यालय के छवि बढ़िया रहल बा आ विश्वविद्यालय प्रणाली में बढ़ल बा काहे कि एनएएसी आकलन में ए++, क्यूएस के दक्षिण एशिया रैंकिंग समेत विभिन्न रैंकिंग में रैंकिंग मिलल बा। एकरा साथे विश्वविद्यालय छात्रन खातिर अपना स्नातक पाठ्यक्रम में कई गो कौशल विकास पाठ्यक्रम के भी शामिल कइले बा। विश्वविद्यालय में कुछ खास पहल आ सुविधा बा. जवना के चलते देश के अलग-अलग राज्य के विदेशी छात्र अवुरी छात्रा के रुचि विश्वविद्यालय में बढ़ल बा।
रोजगार पाठ्यक्रम के सुविधा
गोरखपुर विश्वविद्यालय के कुलपति प्रोफेसर पूनम टंडन के कहनाम बा कि पछिला कुछ साल में गोरखपुर विश्वविद्यालय में देश के अलग-अलग राज्य के छात्र के रुचि बढ़ल बा। एकरा संगे एs साल 10 अलग-अलग देश के 50 छात्र भी आवेदन कईले बाड़े। ई आवेदन ‘स्टडी इन इंडिया’ पोर्टल के माध्यम से लिहल गइल बा. कुलपति कहली कि विश्वविद्यालय में छात्र के प्रेरित करे खातीर बहुत नाया कोर्स जोड़ल जाता। जवना से ओह लोग के लाभ मिली, ‘रोजगार पाठ्यक्रम’ के संबंध में नया पहल आ कार्यक्रम भी देश के छात्रन के ध्यान अपना ओर खींचे में सफल भइल बा। जवना के चलते विश्वविद्यालय के स्तर अवुरी बढ़ गईल बा। जवना के चलते विश्वविद्यालय राष्ट्रीय अवुरी अंतर्राष्ट्रीय रैंकिंग में अवुरी जादे जाई। इहे कारण बा कि अलग-अलग राज्य के छात्र अवुरी विदेश से भी आवे वाला छात्र के विश्वविद्यालय के प्रति झुकाव बढ़ रहल बा।
Comments are closed.