नई दिल्ली। सुक से अगस्त महीना के सुरुआत होखे जा रहल बा। महीना के सुरुआत के संगे कइयन गो अइसन नियमन में बदलाव होखे जा रहल बा, जवन आम लोगन के जिनगी पs सीधा असर डाली।
नया महीना के सुरुआत के संगे भारतीय राष्ट्रीय भुगतान निगम (NPCI) यूपीआई के नियमन में बड़ बदलाव करे जा रहल बा। एकरा अलावे कइयन गो नियमन में बदलाव होखे जा रहल बा, जवना के बारे में आईं रउआ के बतावत बानी सs…
UPI के नियमन में होई बदलाव
अगस्त के सुरुआत के संगे UPI यूजर्स के एगो बड़ बदलाव देखे के मिली। नया महीना से यूपीआई यूजर्स एक दिन में खाली 50 बेर बैलेंस चेक कइल जा सकी। नया नियमन के अनुसार,जदि केहू के लगे एक से जादे UPI एप बा, तs यूजर प्रत्येक एप पs खाली 50 बेर आपन बैलेंस चेक कs पाएम।
Auto Pay के नियमन में बदलाव
कइयन गो लोग आपन समय बचावे खातिर कुछ पेमेंट्स के ऑटो पे मोड पs रखेला। जइसही ओकर निर्धारित तिथि आवेला, बैंक खाता से पेमेंट कट जाला। बाकिर, अब एमे बदलाव देखे के मिली।
नया नियमन के अनुसार, अब सबेरे 10:00 बजे से पहिले, दुपहरिया 1:00 बजे से सांझ 5:00 बजे के बीच, आ रात 9:30 बजे के बादे ऑटो पे मोड से पेमेंट प्रोसेस हो सकी। ओहिजा, ट्रांजेक्शन के इस्थिति (Transaction Status) के यूजर न्यूनतम 90 सेकंड के अंतराल के संगे 3 बेर देख सकी।
Beneficiary का दिखेगा नाम
रउआ के बता दीं कि आवे वाला 1 अगस्त से जब कवनो यूजर अपना यूपीआई से केहू के बैंक खाता में पेमेंट करी, तs ओह खाता के लाभार्थी के पूरा नाम सामने आई। एकर मुख्य उद्देश्य बा कि त्रुटियन आ धोखाधड़ी से बचल जा सके।
SBI के क्रेडिट कार्ड के नियमन में होई बदलाव
एकरा अलावे एक अगस्त से स्टेट बैंक ऑफ इंडिया कई गो सह-ब्रांडेड कार्डन पs उपलब्ध मुफ्त हवाई दुर्घटना बीमा कवर के बंद कs दी। एही बीच बैंक सूचित कइले बा कि यूजर्स के यूको बैंक एसबीआई कार्ड एलीट, सेंट्रल बैंक ऑफ इंडिया एसबीआई कार्ड एलीट, पीएसबी एसबीआई कार्ड एलीट, केवीबी एसबीआई कार्ड एलीट, केवीबी एसबीआई सिग्नेचर कार्ड आ इलाहाबाद बैंक एसबीआई कार्ड एलीट पs वर्तमान में दिहल जा रहल 1 करोड़ रुपिया के मानार्थ हवाई दुर्घटना बीमा कवरेज बंद कs दिहल जाई।
का LPG के बदली कीमत?
मानल जा रहल बा कि अगस्त के सुरुआत में एलपीजी के कीमतों में बदलाव देखे के मिल सकत बस। जानकारी दीं कि कीमतन के हर महीना समीक्षा कइल जाला आ जदि अधिकारियन के जरूरी लागल तs ओकरा के संशोधित कइल जाला।
MPC के बैठक करी आरबीआई
4-6 अगस्त, 2025 तक RBI MPC के बैठक हो सकत बा। एह बैठक में रेपो दर में बदलावन पs चरचा आ घोषणा कइल जाई। रेपो दर में बदलाव के असर आम लोगन के EMI पs पड़ेला।
Read Also: Pradosh Vrat 2025: सावन के दूसरका प्रदोष व्रत पs करीं एह स्तोत्र के पाठ, महादेव के मिलली आशीष
