निर्माता, निर्देशक आ अभिनेता आर माधवन के फिलिम ‘रॉकेटरी द नम्बी इफेक्ट’ सोमार का दिने गिरला का बाद मंगल का दिने अपना संग्रहन में बढ़ोतरी दर्ज करे लागल. देश के कई हिस्सा से एह फिलिम खातिर ग्रुप बुकिंग आ स्कूली छात्रन खातिर स्पेशल शो भी शुरू हो गइल बा. फिल्म देखे वाला लोग एह फिलिम के देश में टैक्स फ्री बनावे के मांग भी कर रहल बा। मंगल का दिने एह फिलिम के कलेक्शन में बढ़ोतरी के सीधा असर ओकरा साथे रिलीज भइल फिलिम ‘राष्ट्रकवच ओम’ आ पिछला हफ्ता रिलीज ‘जुग जुग जिओ’ के गिरत कलेक्शन पर लउकत बा. ओने माधवन एह फिलिम के तमिल संस्करण के शो बियफे से बढ़ावे के वादा कइले बाड़न.
अब ओटीटी के इंतजार करे के पड़ी
एक जुलाई के रिलीज भइल फिलिम ‘रॉकेटरी द नम्बी इफेक्ट’ के रिलीज होखल 15 अगस्त का बाद ही ओटीटी पर संभव होखी काहे कि हालही में एसोसिएशन ऑफ साउथ इंडियन फिल्ममेकर्स के फैसला आइल बा. ओने सोमार का दिने घटला का बाद मंगल का दिने एह फिलिम के देखे वाला दर्शकन के संख्या में फेरू बढ़ोतरी शुरू हो गइल. फिलिम रिलीज के पहिला वीकेंड में 8.75 करोड़ रुपिया के बढ़िया बिजनेस कइलसि. सोमार का दिने मिलल आखिरी आंकड़ा का मुताबिक ई फिलिम सगरी भाषा में करीब डेढ़ करोड़ रुपिया के कारोबार कइलसि. एह फिलिम के तमिल वर्जन से करीब 50 लाख रुपिया, हिंदी वर्जन से 76 लाख रुपिया आ मलयालम वर्जन से करीब चार लाख रुपिया के कमाई भइल.
मंगल का दिने फेरू कलेक्शन बढ़ गइल
आमतौर पर नवका रिलीज फिलिमन के कमाई बियफे से अतवार ले बढ़ जाला, ओकरा बाद सोमार से गुरुवार ले फिलिम के कमाई लगातार घटत रहेला आ ई कमाई अगिला वीकेंड में गइला का बादे फेरू बढ़े लागेला. बाकिर फिलिम ‘रॉकेटरी द नम्बी इफेक्ट’ सोमार का दिने मिलल कमाई से बेहतर प्रदर्शन करत मंगल का दिने हैरानी के बात बा. शुरुआती आंकड़ा के मुताबिक सोमवार के कलेक्शन में मंगलवार के ए फिल्म में करीब पांच लाख रुपया के बढ़ोतरी भईल बा। मंगल का दिने एह फिलिम के कलेक्शन करीब 1.35 करोड़ रुपिया होखे के उमेद बा.