सीवान में अज्ञात वाहन के चपेट में अइला से अधेड़ के मौत हो गइल बा। ऊ इंडियन ऑयल के प्लांट में मजदूरी करत रहे। मंगर के देर साम काम समाप्ति के बाद अपना घर लवटत रहे एही दौरान तेज रफ्तार में आ रहल एगो अनियंत्रित वाहन ओकरा के कुचलत मवका से फरार हो गइल। घटना जिला के सीवान–पैगंबरपुर मुख्य मार्ग के दरौंदा थाना क्षेत्र के करसौत गांव के लगे के बा।
मृतक के पहचान महाराजगंज थाना क्षेत्र के तेवथा गांव के रहे वाला 67 वर्षीय मतिचंद शर्मा के रूप में भइल। बता दीं कि हादसा के बाद मवका पs भारी संख्या में लोगन के भीड़ एकत्रित हो गइल। घटना के बाद पीड़ित के आनन-फानन में महाराजगंज अनुमंडलीय अस्पताल में इलाज खातिर ले आवल गइल रहे। जहां चिकित्सक लोग इस्थिति के गंभीर बतावत सीवान सदर अस्पताल रेफर कs दिहल गइल बा। बता दीं कि सीवान गइला के बाद ओकर मौत हो गइल।
एने घटना के जानकारी के खबर जइसने मृतक अधेड़ के परिजनन के भइल कोहराम मच गइल। घटना के जानकारी के बाद परिजन सीवान सदर अस्पताल में पहुंचके शव के संगे विलाप करे लागल लोग। बतावल जात बा कि ऊ काम से अपना घरे लवटत रहलें। एही दौरान तेज रफ्तार अनियंत्रित वाहन ओकरा के कुचलत मवका से फरार हो गइल। घटना के कारण सड़क पs गिर रहल कुहासा के वजह बतावल जा रहल बा। अनियंत्रित वाहन चालक बहुते तेज रफ्तार में रहे आ कुहासा के वजह से ओकरा सड़क पs व्यक्ति लउकल ना जवना के बाद ई घटना हो गइल।
Comments are closed.