गोरखपुर विश्वविद्यालय में धूमधाम आ हर्षोल्लास से मनावल गइल गणतंत्र दिवस

Minee Upadhyay

गोरखपुर : दीनदयाल उपाध्याय गोरखपुर विश्वविद्यालय में 75वां गणतंत्र दिवस धूमधाम से मनावल गइल। समारोह के शुरुआत प्रशासनिक भवन के प्रांगण में कुलपति प्रो पूनम टंडन के ओर से पंडित दीनदयाल उपाध्याय के प्रतिमा के माला पहिरवला से भईल।

एकरा बाद कुलपति ध्वजारोहण कइली। अपनी संबोधन में गणतंत्र दिवस पs सगरी विद्यार्थी, शिक्षक, अधिकारी आ कर्मचारी लोग के हार्दिक बधाई आ शुभकामना दिहली।

कुलपति प्रो पूनम टंडन:सारे जहाँ से अच्छा’ बनल रहे हमनी के देश

कुलपति प्रो पूनम टंडन आपन संबोधन में कहली कि हम भगवान से प्रार्थना करतानी कि हमनी के देश हमेशा ‘सारे जहाँ से अच्छा’ बनल रहे। हमनी के ताकत, हमनी के क्षमता, हमनी के आकांक्षा के प्रतीक के रूप में हमनी के राष्ट्रीय झंडा गर्व से उड़त रहे।

कुलपति कहली कि आज भारत आपन लगातार प्रयास से गरीबी खतम करे के निर्णायक चरण में बा। Covid के बाद जहां दुनिया के बड़ देश के अर्थव्यवस्था के दबाव महसूस हो रहल बा, उहें भारत सबसे तेजी से विकास दर वाला तीसरा सबसे बड़ अर्थव्यवस्था बने के आकार ले रहल बा। आज पूरा दुनिया आशा भरल नजर से भारत के ओर देख रहल बा।

संत कबीर छात्रावास में गणतंत्र दिवस समारोह के भइल आयोजन

 

गणतंत्र दिवस के शुभ अवसर पs दीन दयाल उपाध्याय गोरखपुर विश्वविद्यालय के संत कबीर छात्रावास में गणतंत्र दिवस समारोह के आयोजन कइल गइल।

•एह मउका पs मुख्य अतिथि प्रो रजनीकांत पांडेय नवहियन के संविधान आ संविधान से दिहल मौलिक अधिकार आ कर्तव्य के पालन करे खातिर सचेत कइले। प्रोफेसर उमेश यादव विशेष रूप से स्वतंत्रता सेनानी भगत सिंह, चंद्रशेखर आजाद, राम प्रसाद बिस्मिल, महात्मा गांधी आदि के बलिदान पs चर्चा कइले।

•साथ ही देश के प्रति डॉ. भीमराव अम्बेडकर आ डॉ. राम मनोहर लोहिया के योगदान पs प्रकाश डालल गइल।

•एह दौरान प्रोफेसर यादव संत कबीर छात्रावास के उपलब्धि आ छात्रावास के रखरखाव आ छात्रावास के छात्रावास के प्रति कर्तव्य पs विशेष ध्यान दिहलें।

•विशेष अतिथि प्रोफेसर लल्लन यादव देश के विज्ञान आ अर्थव्यवस्था के विकास पs विस्तृत चर्चा कइलन।

•प्रोफेसर अजय शुक्ला भी ए बी सी डी क ख ग घ आ क के ग जी के गहिराह अर्थ के बहुत मार्मिक तरीका से बतवले।

•मुख्य संरक्षक प्रोफेसर एसके सिंह छात्रावास निवासी के बधाई देले अवुरी छात्रावास से जुड़ल नियम के पालन करे के जिम्मेवारी पs भी चर्चा कईले।

•प्रोफेसर श्री निवास मणि त्रिपाठी जी छात्रन के कर्तव्य के बारे में जानकारी देले।

•एह मउका पs अधीक्षक डॉ. वीरेन्द्र मधुकर आ डॉ. ओम प्रकाश सिंह मौजूद रहले।

•संत कबीर हॉस्टल के सब छात्र आ कर्मचारी मौजूद रहले आ अंत में मिठाई के कुशल वितरण के साथ सभा के समापन भइल।

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।