नई दिल्ली। राज्यसभा के 37 सीट पs होखे वाला चुनाव के तारीख के एलान हो गइल बा। चुनाव आयोग बुध के जानकारी देत बतवलस कि ई 37 सीट खातिर 16 मार्च के मतदान करावल जाई।
एह चुनाव में महाराष्ट्र के 7 सीट, पश्चिम बंगाल आ बिहार के 5-5 सीट पs मतदान होई। ओहिजा, ओडिशा के 4, तमिलनाडु के 6, असम के 3, छत्तीसगढ़ के 2, हरियाणा के 2, तेलंगाना के 2 आ हिमाचल प्रदेश के 1 राज्यसभा सीट खातिर चुनाव करावल जाई।
चुनाव आयोग के मोताबिक, तय समय पs नामांकन, जांच आ मतदान के पूरा प्रक्रिया पूरा कइल जाई। आउर नतीजाे ओही दिन घोषित हो सकेला। एह चुनाव से राज्यसभा में कइयन राज्यन के राजनीतिक समीकरण बदल सकेला।
