अभियो बचा ली ना बिहार ए नीतीशऽ बाबू
जरऽता आपन बिहार ए नीतीशऽ बाबू
साइकिल पोशाक खाना मिले इस्कूल में जी
शिक्षा के लेबल मिलल जाता धूल में जी
ताश के महल बहार ए नीतीशऽ बाबू
अभियो बचा ली ना बिहार…
सारा बिहार के विकास नालंदा में
हमनी के ज्वाइनिंग लेटर पुलिस के डंडा में
एह खातिर बावे खूब आभार ए नीतीशऽ बाबू
अभियो बचा ली ना बिहार…
कहीं के सूखल भादो लागे आषाढ़ जी
कहीं पे बारहमासा नाली के बाढ़ जी
करी बेवस्थित जलधार ए नीतीशऽ बाबू
अभियो बचा ली ना बिहार…
कुर्सी के नीचे ईंटा साजी के कबले बइठेम
जरल जोर जस आखिर कबले अइठेम
खिसकता नीचे से आधार ए नीतीशऽ बाबू
अभियो बचा ली ना बिहार…
Comments are closed.