देश भर में लोकसभा चुनाव हो रहल बा। एही बीच महाराष्ट्र के राजधानी मुंबई से परेशान करेवाला खबर सामने आईल बा। असल में मुंबई पुलिस कंट्रोल रूम के धमकी देवे वाला फोन आईल बा। प्रारंभिक जानकारी के मुताबिक एगो अनजान आदमी मुंबई पुलिस के फोन क के सूचना देलस कि दादर इलाका में स्थित मैकडॉनल्ड्स में धमाका होई।
बस में मैकडॉनल्ड्स के उड़ावे के बारे में चर्चा
फोन करेवाला पुलिस के बतवले कि उs बेस्ट बस नंबर 351 में जात रहले, तबे उनुका दु लोग के मैकडॉनल्ड के उड़ावे के बात सुनाई देलस। फोन करेवाला एकरा बारे में जानकारी देके शनिचर के रात पुलिस कंट्रोल के फोन कईले। एs फोन के बाद मुंबई पुलिस जांच अवुरी छानबीन शुरू कs देलस, बाकिर कवनो संदिग्ध वस्तु ना मिलल। पुलिस एs मामला में आगे के जांच करतिया
उड़ान में मिलल टिश्यू पs लिखल ‘बम’
आजकल बम विस्फोट के धमकी के खबर लगातार सामने आ रहल बा। हालही में दिल्ली हवाई अड्डा पs एयर इंडिया के एगो फ्लाइट के शौचालय में ‘बम’ लिखल टिशू पेपर मिलल जवना के बाद अधिकारियन में दहशत मच गइल. सुरक्षा एजेंसी एकर जांच कईलस अवुरी अंत में बम रिपोर्ट के अफवाह बता के खारिज कs देलस। एकरा से पहिले ईमेल के माध्यम से इंदिरा गांधी अंतर्राष्ट्रीय हवाई अड्डा के संगे दिल्ली के बहुत अस्पताल पs बमबारी के धमकी मिलल रहे, जवना के पुलिस जांच के बाद सिर्फ अफवाह घोषित कs देलस।
स्कूल आ हवाई अड्डा में धमाका के खतरा
एकरा संगे 1 मई के दिल्ली-एनसीआर के 150 से जादे स्कूल में फर्जी धमकी वाला ईमेल आईल रहे, इहो अफवाह निकलल। एकरा से पहिले मध्य प्रदेश के राजधानी भोपाल के राजा भोज हवाई अड्डा पs विमान के उड़ावे के धमकी मिलल रहे। इs धमकी ईमेल के माध्यम से भी दिहल गईल रहे। ईमेल में भोपाल हवाई अड्डा के संगे देश के अवुरी हवाई अड्डा पs बमबारी के विमान के जिक्र बा। प्राधिकरण के शिकायत पs गांधीनगर पुलिस एs मामला में प्राथमिकी दर्ज करवले रहे। अनजान लोग के खिलाफ धारा 507 अवुरी विमान अधिनियम के तहत प्राथमिकी दर्ज करावल गईल।
Comments are closed.