पाकिस्तान के बलूचिस्तान में जफर एक्सप्रेस ट्रेन पs भईल हमला के लेके पाकिस्तान सेना भारत पs गंभीर आरोप लगवले बिया। आईएसपीआर के डीजी लेफ्टिनेंट जनरल अहमद शरीफ चौधरी के कहल बा कि बलूचिस्तान में आतंकवाद के सगरी फंडिंग भारत से होखत बा.
बलूचिस्तान के मुख्यमंत्री सरफराज बुगती के संगे जनरल चौधरी शुक के ट्रेन अपहरण मामला पs एगो प्रेस कांफ्रेंस कईले, जहां उs इs बयान देले। एह दौरान उs एक ओर पाकिस्तानी सेना के तारीफ कईले, तs दूसरा ओर एs पूरा घटना खातीर भारत के जिम्मेदार ठहरवले।
भारत के खिलाफ गंभीर आरोप
पाकिस्तान के जियो टीवी के मुताबिक जनरल शरीफ चौधरी कहले कि उनुका मुताबिक” बलूचिस्तान में पहिले भईल हमला अवुरी एs ट्रेन अपहरण के घटना के पीछे मुख्य प्रायोजक उनुकर पूर्वी पड़ोसी देश (भारत) बा।”
जनरल चौधरी दावा कईले कि जफर एक्सप्रेस के इs घटना पाकिस्तान में आतंकवाद के बढ़ावा देवे खातीर भारत के रणनीति के हिस्सा हs। उs कहले कि इs पूरा साजिश सीमा पार से रचल गईल अवुरी उहाँ से एकरा के निष्पादित कs दिहल गईल।
