यूपी में अब शिक्षक-शिक्षिका एक दूसरा के कहिहें ’बहन जी’ आ ’गुरु जी’, जारी भइल फरमान, जींस-टीशर्ट पs…
अब संभल के काउंसिल स्कूल में शिक्षक एक दूसरा के बहिन आ शिक्षक के रूप में संबोधित करीहे। बड़ शिक्षिका के भी दीदी कह सकत बानी। छात्रा अब छात्र के भाई कहिहें, जबकि छात्र छात्रा के दीदी कह सकेने।
जिला बेसिक शिक्षा अधिकारी अलका शर्मा एह आशय के आदेश जारी कइली. विद्यार्थियन आ शिक्षकन के बीच नमस्ते भा जयहिंद के इस्तेमाल अभिवादन के रूप में कइल जाई. बीएसए के मानल बा कि एह बदलाव से भारतीय संस्कृति के बढ़ावा मिली आ एक दोसरा के सम्मान बढ़ी.
एह आदेश में इहो कहल गइल बा कि कक्षा के बाहर जूता निकालल जाई. काउंसिल स्कूल में छात्रन खातिर वर्दी अनिवार्य बा, अब शिक्षक जींस आ टीशर्ट पहिन के स्कूल ना आ पइहें. भारतीय कपड़ा पहिन के ही आई।
बीएसए के निर्देश बा कि निरीक्षण के दौरान कवनो अधिकारी हेडमास्टर के कुर्सी पs ना बईठे। शिष्टाचार से बात करके कवनो जानकारी मिली।
काउंसिल स्कूलन में बेहतर पढ़ाई कइल जा सकेला. एकरा खातीर जिला के सभ प्रखंड शिक्षा अधिकारी के चिट्ठी जारी कs दिहल गईल बा। सभे शिक्षक के ओह बिन्दु के पालन करे के पड़ी जवना खातिर निर्देश दिहल गइल बा. आ निगरानी खंड शिक्षा अधिकारीयन के रही.
Comments are closed.