सोशल मीडिया पs एगो वीडियो तेजी से वायरल हो रहल बा, जवना में मच्छर आसमान में झुंड में उड़त देखाई देतारे। एतना मच्छर रहे कि लागत रहे कि कवनो बवंडर आ गईल बा। जे भी ईs सीन देखलस उs बस देखत रहल काहे कि पहिले अइसन केहू ना देखले रहे। मामिला महाराष्ट्र के पुणे के एगो आवासीय इलाका के बा। इs नजारा देखला के बाद लोग अपना स्वास्थ्य के चिंता में बाड़े। लोग नगर निगम पs सफाई में लापरवाही के आरोप लगा रहल बा।
एतना मच्छर के कारन इहे बा
जानकारी के मुताबिक पुणे के मुथा नदी के ऊपर मच्छर के बवंडर देखाई देलस। मुला मुथा नदी के पानी के स्तर जादा होखला के चलते इs खतरा सोझा आईल बा। ईs जगह मच्छर के झुंड के प्रजनन स्थल बन गइल बा।नदी के किनारे मुंडवा ब्रिज से खराड़ी गांव ले पानी के जलकुंभी बढ़ल बा, जवना के चलते मच्छर के समस्या बढ़ गईल बा। जहां पुणे नगर निगम पानी के जलकुंभी हटावे के काम शुरू कs देले बा, उहें देरी से भईल कार्रवाई के चलते निवासी के मच्छर के खतरा से निपटे के पड़ता।
#WATCH | Pune, Maharashtra: Swarms of mosquitoes form tornadoes in the skies of Keshavnagar and Kharadi Gavthan areas. The menace is caused by the elevated water levels of the Mula Mutha River. pic.twitter.com/ynD0zlyyAR
— ANI (@ANI) February 11, 2024
लोग लो पुणे नगर निगम पs लगवले लापरवाही के आरोप
मच्छर के ई बवंडर पुणे, केशवनगर, खराड़ी आ मुंधवा के आवासीय इलाका में देखल गइल। सोशल मीडिया के कुल प्लेटफार्म पs जेकर वीडियो घूम रहल बा। एतना बड़ संख्या में मच्छर देखला के बाद लोग घर से बाहर निकले से परहेज कs रहल बाड़े। लोग अपना घर के दरवाजा खिड़की बंद कs देले। एह वीडियो के देखला के बाद सोशल मीडिया पs लोग के कमेंट के बाढ़ आ गईल। टिप्पणी करत एगो यूजर लिखले कि – ‘पुणे नगर निगम केशवनगर के निवासी के समय पs टैक्स देवे के बदला में वैलेंटाइन गिफ्ट देले बा।’ एगो अउरी यूजर लिखले बा – पुणे नगर निगम एह घरी मच्छर पैदा करे के काम कs रहल बा।
Comments are closed.