Elon Musk के Twitter के मिली कांटा के टक्कर, Meta ला रहल बा नया Threads ऐप, जानी कब से होई सुरुआत

बदलत समय के साथे-साथे ट्विटर में बहुते बड़ बदलाव देखे के मिलल बा। एतने ना आवे वाला हर दिन में एह से जुड़ल कवनो ना कवनो अपडेट सामने आवत बा। फिलहाल हमनी के पता चलल बा कि ट्विटर के टक्कर देवे खातिर मेटा आपन नया ऐप लॉन्च करे के तइयारी में बा।

एपल ऐप स्टोर पs एगो लिस्टिंग खातिर, फेसबुक के मूल कंपनी मेटा बियफे, 6 जुलाई के थ्रेड्स नाम के एगो ऐप के लॉन्च करे के  तइयारी करत बा, जवन ट्विटर प्रतियोगी के तरे काम करी। थ्रेड्स के लक्ष्य यूजर्स के सोशल नेटवर्किंग अउर चरचा  खातिर एगो वैकल्पिक मंच देवे के बा।

मीडिया रिपोर्ट में मिलल जानकारी

फोर्ब्स के एगो रिपोर्ट के अनुसार, ऐप के सुरुआत में यूरोप में Google Play स्टोर पs सोमार के सबेरे खोजल गइल आ बाद में सोमार रात तक Apple ऐप स्टोर पs उपलब्ध हो गइल। ट्विटर से जुड़ल अलग-अलग विवादन के बीच थ्रेड्स लॉन्च करे के फैसला आइल बा। जइसन कि हमनी जानत बानी सs कि हाले में ट्विटर यूजर्स के सीमा, ट्विटर डाउन अउर जैक डोर्सी द्वारा स्थापित एगो प्लेटफॉर्म ब्लूस्की के साथे बहुते चरचा में रहल।

नया मीडिया रिपोर्ट से पता चलल कि मेटा के इरादा थ्रेड्स के एगो अधिक समावेशी अउर बेहतर प्लेटफॉर्म बनावे के बा, जवन दूर-दराज के आंकड़न के साथे ट्विटर के जुड़ाव के बारे में विज्ञापनदाता लोगन द्वारा उठाव गइल चिंतन के संबोधित करत बा।

प्री-ऑर्डर खातिर उपलब्ध बा ऐप

ऐप फिलहाल ऐप स्टोर पs ‘प्री-ऑर्डर’ खातिर उपलब्ध बा। ऐप स्टोर लिस्टिंग थ्रेड्स के अइसन प्लेटफॉर्म के रूप में पेश करत बा, जहां यूजर्स वर्तमान समुदाय अउर ट्रेंडिंग दुनो विषयन पs चरचा करे खातिर एक साथे आ सकत बा, जवना से क्रिएटर्स के साथे कनेक्शन के सुविधा मिलत बा।

बता दीं कि ऐप इंस्टाग्राम अउर ट्विटर के एलीमेंट के जोड़त बा, जवन मवजूदा इंस्टाग्राम यूजर्स अउर एगो अलग सोशल मीडिया अनुभव के तलाश करत नया यूजर्स दुनों खातिर खास बा।