पाकिस्तान के अशांत प्रांत बलूचिस्तान में भारी बम विस्फोट के जानकारी सामने आ रहल बा। एs घटना में कम से कम 20 लोग के मउत हो चुकल बा। जबकि 30 से अधिक लोग घायल हो चुकल बाड़े। ई बम विस्फोट बलूचिस्तान के क्वेटा रेलवे स्टेशन के लगे भइल. शुरुआती रिपोर्ट से पता चलता कि ट्रेन के प्लेटफार्म पs पहुंचे से ठीक पहिले रेलवे स्टेशन के बुकिंग ऑफिस में विस्फोट भईल बा। धमाका के समय स्टेशन पs भीड़ सामान्य रहे। एकरा बावजूद एकरा से जादे जानमाल के नुकसान के खतरा बा।
विस्फोट के जानकारी मिलते पुलिस अवुरी बचावकर्मी विस्फोट स्थल पs पहुंचले। क्वेटा के सिविल अस्पताल में इमरजेंसी लगावल गइल आ घायलन के इलाज खातिर अतिरिक्त डाक्टर आ पैरामेडिक्स के बोलावल गइल. रेलवे अधिकारी के मुताबिक जाफ़र एक्सप्रेस के पेशावर खातीर सबेरे 9 बजे रवाना होखे के रहे। अधिकारी बतवले कि जब विस्फोट भईल तs ट्रेन प्लेटफार्म पs ना पहुंचल रहे। एह विस्फोट से मरे वालन के गिनिती बढ़ सकेला काहे कि घायलन में से बहुते लोग के हालत गंभीर बा.
