मध्य प्रदेश: सीहोर में ट्रेन के चपेट में अवले से बाघ के शावक के मउत, 2 गो घायल शावकन के रेस्क्यू कइल गईल

Minee Upadhyay

 

सीहोर : मध्य प्रदेश के सीहोर में दुखद हादसा हो गया। इहाँ के बुधनी इलाका में ट्रेन से टकरा के एगो बाघ के बच्चा के मौत हो गईल अवुरी दु बच्चा घाही हो गईले। दुनों घायल शावक के बचा के इलाज खातीर विशेष ट्रेन से भोपाल के वन विहार पहुंचावल गईल। पोस्टमार्टम के बाद मरेवाला बच्चा के अंतिम संस्कार कईल गईल।

मुख्य वन संरक्षक राजेश खरे कहले कि, ‘संभावना बा कि बाघिन सबेरे अपना बच्चा के संगे पानी पिए जाए वाला होखस। ओह दौरान तीन गो शावक ट्रेन के टक्कर मार दिहलस। एक बच्चा के मउत हो गईल अवुरी 2 बच्चा घाही हो गईले। विभाग के जइसहीं एह बारे में जानकारी मिलल तs हमनी के तुरते मौका पs निकल गइनी जा. घायल दुनो शावक के बच्चा के इलाज खातीर भोपाल के वन विहार पहुंचावल गईल बा।

घायल शावक खातिर विशेष ट्रेन चलल

मिलल जानकारी के मुताबिक घायल दुनो शावक के हालत के देखत उहाँ इलाज संभव ना रहे अवुरी एकरा के भोपाल के वन्यजीव अस्पताल में भर्ती करावल जरूरी रहे। जब रेलवे के वरिष्ठ अधिकारी के एs बारे में जानकारी मिलल तs कलेक्टर के निहोरा पs रेलवे के वरिष्ठ अधिकारी बुधनी के मौका पs एक डिब्बा के विशेष ट्रेन भेजे के फैसला कईले।

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।