पुणे के पूर्व डिप्टी मेयर अवुरी राष्ट्रवादी कांग्रेस पार्टी के नेता शरदचंद्र पवार के बेटा बंडू गायकवाड़ कथित तौर पs अपना एसयूवी से टेम्पो मार के तीन लोग घाही कs देले। पुलिस बुध के दिने ई जानकारी दिहलस. पुलिस के कहनाम बा कि, बंडू गायकवाड़ के बेटा सौरभ गायकवाड़ (25 साल) ‘टाटा हैरियर’ के गलत दिशा में चलावत रहले, जवना के चलते मंगल के सबेरे पुणे के मंजरी-मुंधवा रोड पs दुर्घटना भईल, जवना में उहो घाही हो गईले। सोशल मीडिया पs एगो वीडियो सामने आइल बा जवना में एगो तेज रफ्तार एसयूवी मुर्गी से भरल टेम्पो से टकरा गइल बा.
दुर्घटना में टेम्पो चालक आ सहायक घायल
पुलिस के कहनाम बा कि, एs दुर्घटना में टेम्पो चालक अवुरी उनुकर सहायक भी घाही हो गईले। पुलिस के मुताबिक दुर्घटना के बाद तीनों के अस्पताल पहुंचावल गईल जहां उनुकर इलाज हो रहल बा। एगो पुलिस अधिकारी कहले कि, “सौरभ गायकवाड़ के खिलाफ हमनी के शिकायत दर्ज करवले बानी, जवन कि कथित तौर पs बेधड़क अवुरी गलत दिशा में गाड़ी चलावत रहले। हमनी के उनुका के हिरासत में नईखी लेले, काहेंकी फिलहाल उनुकर इलाज अस्पताल में होखता।” बता दीं कि पुणे में अइसन घटना पहिला बेर नइखे लउकत.
