मुंबई से चेन्नई जाए वाली ट्रेन में नाबालिग के संगे छेड़छाड़ के मामला सोझा आईल बा। असल में मामला सीएसएमटी-चेन्नई एक्सप्रेस ट्रेन के भीतर बतावल जाता। मुंबई से ट्रेन जात घरी आरोपी नाबालिग के अनुचित तरीका से छूअत रहे। बाद में नाबालिग फेर से ट्रेन के भीतर आरोपी के देखलस, जवना के बाद उs पूरा कहानी अपना दादी के बतवली। जब दुनु जने हल्ला मचवली लो तs टिकट चेकर आ पास के लोग आरोपी के पकड़ लिहले. फिलहाल आरोपी के 14 दिन खाती न्यायिक हिरासत में भेज दिहल गईल बा।
नाबालिग फेर से आरोपी के देख के अपना दादी के सचेत कs देलस, जवना के बाद उs हल्ला मचवलस। हल्ला सुन के टिकट चेकर आ सहयात्री ओकरा के पकड़ लिहले. पुलिस अधिकारी बतवले कि, “आरोपी एस राघवेंद्र लईकी के पीठ छू अलस। उs ओकरा के थप्पड़ मरलस, बाकिर तबो उs ओकरा कमर पs हाथ रखलस। लईकी हल्ला मचवलस जवना के बाद टिकट चेकर अवुरी सहयात्री ओकरा के पकड़ लेले। ट्रेन में उs कर्जत अवुरी पुणे के बीच शिकायत दर्ज करवलस, कर्जत थाना के अधिकारी बतवले कि मामला दर्ज हो गईल बा अवुरी आरोपी एस राघवेंद्र के 14 दिन खातीर न्यायिक हिरासत में भेज दिहल गईल बा।
