लालू प्रसाद दिल्ली एम्स में भर्ती, तेजस्वी कहले – जरुरत पड़ला पs बाबुजी जी के विदेशो ले जाइब

Anurag Ranjan

राजद अध्यक्ष लालू प्रसाद बेहतर चिकित्सा इलाज खातिर बुध के रात दिल्ली रवाना हो गइलन। उ स्पेशल डॉक्टरन के टीम के संगे एयर एम्बुलेंस से दिल्ली एम्स पहुंचले। मिलल जानकारी के मोताबिक लालू प्रसाद के रात के करीब साढ़े नौ बजे एम्स दिल्ली में भर्ती करावल गइल। ओने लालू के छोट बेटा तेजस्वी प्रसाद कहले बाड़े कि जरूरत पड़ला पs उ अपना बाबुजी के बेहतर इलाज खाती विदेश ले जइहे।

एयर एम्बुलेंस में लालू के संगे उनुकर बड़ बेटी मिसा भारती अवुरी बड़ बेटा तेज प्रताप रहले। पहिलही दिने में उनकर पत्नी अवुरी पूर्व मुख्यमंत्री राबड़ी देवी, बेटा तेजस्वी यादव अवुरी पतोह राजश्री सेवा विमान से दिल्ली पहुंचल रहे लो।

बता दीं कि बेमार लालू प्रसाद के मंगर के रात से दिल्ली ले जाए के तइयारी होखत रहे। लालू परिवार एह ममिला में अपना डॉक्टर से बात कइलस, ओकरा बाद पारस अस्पताल प्रबंधन से बात कइलस। अस्पताल प्रबंधन से ग्रीन सिग्नल मिलला के बाद उ लोग दिल्ली ले जाए के तइयारी सुरू क देले रहे।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।