रउरा दुल्हिन के भागे के कई गो कहानी सुनले होखब। लेकिन कानपुर से दूल्हा भागला के मामिला आईल बा। ई पूरा मामिला कवनो फिल्मी कहानी से नइखे. 23 अप्रैल के एगो बियाह होखे वाला रहे। लेकिन दूल्हा अपना दूसरकी प्रेमिका के संगे भाग गईल। बतावल जाता कि कई महीना से दुल्हिन-दुल्हा के बीच प्रेम-प्रसंग चलत रहे। जानकारी के मुताबिक दूल्हा एगो स्कूल में शिक्षक रहले अवुरी दुल्हिन उनुकर छात्रा रहली। जब दुनो परिवार के एs बारे में पता चलल तs बियाह करे के फैसला भईल। लेकिन एs कहानी में मोड़ तब आईल जब दुल्हिन अपना दूल्हा के इंतजार करत रहली अवुरी दूल्हा अपना दुसरकी प्रेमिका के संगे भाग गईले।
बता दीं कि इ मामला कानपुर महानगर के हनुमंत विहार थाना क्षेत्र के हs, जहां एगो बियाह के मामिला बहुत चर्चा के विषय बन गईल बा। इ प्रेम-विवाह रहे अवुरी एकरा खातीर दुनो परिवार तइयार रहे। लेकिन अचानक दूल्हा एगो अवुरी प्रेमिका के संगे भाग गईल, जवना के बाद पीड़िता आरोपी दूल्हा अवुरी ओकरा परिवार के खिलाफ मुकदमा दर्ज करवले बिया। दूल्हा एगो स्कूल में अध्यापक हवे अवुरी उहाँ कक्षा 11 में पढ़ेवाला छात्रा से उनुकर प्रेम संबंध रहे। जवना के बाद परिवार के लोग दुनो के बियाह करावे के फैसला कईले रहले।
सब दूल्हा के इंतजार करत रहले दुनो के बियाह 23 अप्रैल के होखे वाला रहे। लेकिन बाद में ओ लोग के जानकारी मिलल कि दूल्हा एगो लईकी के संगे फरार हो गईल बा। एकरा बाद उ थाना में जाके एs बात के शिकायत कईले। पीड़िता के परिवार बतवले कि उs लोग बियाह के तैयारी पूरा कs लेले अवुरी गेस्ट हाउस से लेके सब तैयारी पूरा हो गईल। उ रात भर बियाह के बारात आवे के इंतजार करत रहले लेकिन दूल्हा एगो अवुरी लईकी के संगे भाग गईले। पीड़ित पक्ष आरोप लगवले बा कि जदी पांच लाख रुपिया अवुरी गाड़ी के मांग पूरा ना भईल तs पीड़िता के संगे बियाह ना करी।
